Тетюшские зори
  • Рус Тат
  • 1 декабрь – Бөтендөнья СПИДка каршы көрәш көне

    Бу көн киң колач белән таралучы ВИЧ-инфекциясен бөтенкешелек тырышлыгы белән генә туктатырга мөмкин булуын искә төшерә. Үлемгә китерүче әлеге куркыныч чир хакында ТР Роспетребнадзор Идарәсенең территориаль бүлеге начальнигы урынбасары Олег МАЗЮКИН сөйли:

    - ВИЧ-инфекциясе бүген, ни аяныч, тормыш чынбарлыгы. Татарстанда ВИЧ-инфекцияле 17902 кеше исәпләнә, теркәлү башыннан бирле 3768е үлгән, шуларның 8е - балалар.

    Организмында вирус йөртүче кешеләр инфекция чыганагы булып торалар. Аның күчүенең төп юлы - җенси һәм парентераль (венага наркотик матдәләр кертү). Быел ВИЧ-инфекциясе белән зарарлануның төп сәбәбе җенси юл (66,4 процент) булды, наркотик матдәләр кулланганда инфекция йоктыручылар - 32 процент. Әлеге чир 30 яшьтән өлкәннәр арасында күп күзәтелә, 70 проценттан артык. Халыкның социаль яраклашкан катламнарын эпидемиологик процесска җәлеп итү юнәлеше саклана. Татарстанлылар арасында җенси юл белән зарарланучылар 51 процент - эшләүчеләр, 14 процент - яман гадәтлеләр (алкоголь кулланучылар һәм катнашмалар тартучылар).

    Вирус шулай ук йөклелек вакытында, бала тудырганда, күкрәк сөте имезгәндә анадан балага күчәргә мөмкин. ВИЧ-инфекцияле аналардан 2184 бала туган, 90ына ВИЧ-инфекцияле диагноз куелган. СПИДны профилактикалау - өстенлекле илкүләм "Сәламәтлек" проектының төп юнәлешләренең берсе. Әмма бу медицина проблемасы гына түгел. Гасыр чумасының төп алымнары - сәламәт яшәү рәвеше алып бару, югары әхлаклылык һәм гаилә традицияләре. Бүгенге көндә ВИЧтан бары тик сезнең белән безнең сәламәт акылыбыз гына дару була ала.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: