Тетюшские зори
  • Рус Тат
  • Район чөгендерчеләре гаять зур уңыш җыеп алды

    Тәтеш кырларындагы 5778 гектар мәйданда җыеп алынган чөгендернең уртача уңдырышлылыгы гектардан 543 центнер тәшкил итә.

    (Тәтеш, 15 гыйнвар, "Тәтеш таңнары", Мария Храмова (автор фотосы)). Районның авыл хуҗалыгы предприятиеләре шикәр чөгендеренең соңгы кагатларын төяп озатуны төгәлләде.

    Нәтиҗәдә республикадагы ши­кәр заводларына 313,799 мең тонна татлы тамыразык озатылды – мондый бик яхшы игенчелек осталыгы һәм фидакарь хезмәт нәтиҗәсе район тарихында беренче тапкыр күзәтелә. 

    Тәтеш кырларындагы 5778 гектар мәйданда җыеп алынган чөгендернең уртача уңдырышлылыгы гектардан 543 центнер тәшкил итә, бу Татарстан Республикасында иң югары күрсәткеч. 

    “Колос” авыл хуҗалыгы предприятиесе уңдырышлылык буенча алдынгылар сафында булды (гектардан 722 центнер). “С. М. Казаков”, “Р. Г. Сафиуллова”, “Новая заря” хуҗалык­лары үсемлекчеләре гектардан 600 центнердан артык алды, “Бакыр­чы”, “Агро-Союз”, “Татарстан” – 500дән күбрәк.
     

    “Содружество” һәм “Р. М. Заһидуллин” хуҗалыгында гектардан 500 центнерга якын татлы ­тамыразык үстерделәр.

    Без Тәтеш аграрийларының уңышларына сөенеп һәм горурланып, районның авыл хуҗалыгы һәм азык-төлек идарәсе начальнигы Ирек ­Садриевтан безнең аграрийларга югары табышлы уңдырышлылык буенча ­республика алдынгылыгында булырга нинди мөмкинлек бирүе белән ­кызыксындык.

    “Мондый күрсәткеч башта ук һәм бер мизгелдә генә килми, – дип аңлатма бирде Ирек Әдип улы, – бу шикәр чөгендерен үстерү барышында хезмәт күрсәтә торган барлык кешеләрнең армый-талмый алга омтылу нәтиҗәсе. Районның авыл хуҗалыгы тармагы эшчәнлегенә шулкадәрле сизелерлек гаять зур өлеш керткән һәм шактый нәтиҗә ясаган алдынгы хуҗалыкларны яңадан бәяләве читен. Һәм, шунысы игътибарга лаек, башка авыл хуҗалыгы предприятиеләре дә иң яхшы якларны күреп, алар тәҗрибәсендә ­өйрәнә.

    Район башлыгы Рәмис ­Са­­фиуллов, һичшиксез, район аграрийлары эшенең коорди­наторы булып тора. Рәмис Хатыйп улы безнең аграрийларны һәр­­вакытта авыл хуҗалыгын алдынгы технологияләрне оста итеп файдаланып алып баруга юнәлтә”.  
     

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: