Тетюшские зори
  • Рус Тат
  • Сөт җитештерүчәнлек – таяныч

    Районның авыл хуҗалыгы предприятие­ләре матди-техник базаларын яңарта.

    (Тәтеш, 10 октябрь, "Тәтеш таңнары", Галина Таҗетдинова (автор фотолары) ). Без инде гәҗиттә язганча, кайбер хуҗалыкларда терлекчелек биналарында төзекләндерү һәм яңарту алып барыла. Гәҗит хәбәрчеләре шушы араларда Олы Шәмәк авыл җирлеге территориясендә урнашкан “Родина” агрофирмасына барды һәм товарлыклы-сөтчелек фермалары территория­сенең уңай үзгәрешләр кичерүен үз күзләре белән күреп кайтты. Таудан төшкәндә үк инде сыер абзарының кояш нурларында балкыган яңа түбәсе безнең игътибарны ерактан ук үзенә җәлеп итте. Корылма үзе дә безгә шактый төзек булып тоелды. “Вакланып тормаска булдык, бинаның озынлыгы йөз метрга якын тәшкил итә, – диде авыл хуҗалыгы  предприятие­се җитәкчесе Ринат Хәкимов. – Биредә 240 сыер урнаштырылачак, аларны сөт көтүлеген алыштыру өчен сатып алачакбыз. Бездә малларны бәйләмичә асрау тәҗрибәсе булачак”. Бинада  инде идәннәрне бетонлаганнар, азык салу һәм су килү җайланмалары өчен тимер корылмаларны җыю алып барыла. Сыер абзарыннан берничә метрда 40 баш терлеккә исәпләнгән яңа сөт залы төзелә. Эшчеләр тимер корылманың түбәсен һәм диварларын җыюны башкарганнар, савым чокыры төзелеше өчен төп тышчасын урнаштырганнар.

     

    “Төзелеш эшләренең барлык барышы катгый рәвештә үтәлә, – дип хәбәр итте Ринат Ибраһим улы. – Ферма күпчелек автоматлаштырылган булачак, заманча технологияләр моңа йогынты ясая­чак. Чит илдә җитештерелгән саву җайланмасының кулай төрен инде сайладык. Саву залына нибары ике кеше хезмәт күрсәтәчәк, алар укып кайтачак”. 
    Хуҗалыктагы терлекчеләр сөт производствосы үсешенә зур өметләр баглый, ул, билгеле булганча, аңлы рәвештә алып барганда тотрыклы табыш китерәчәк.

    Нравится
    Поделиться:
    Реклама
    Комментарии (0)
    Осталось символов: