Тәтешлеләр вакансияләр ярминкәсендә булдылар
Аның үткәрелү көненә район мәдәният йортына 86 кеше килде: 45 хатын-кыз, 12 ир-егет һәм 29 яшь кеше (18 яшьтән алып 30га кадәр).
Кыр эшләре башланыр вакыт якынлаша, район авыл хуҗалыгы предприятиеләренә өстәмә кадрлар таләп ителә - механизаторлар. Кайбер килүчеләр әлеге мөмкинлектән файдаландылар һәм юлламалар алдылар. Мәсәлән, тәтешле Евгений - күпьеллык эш тәҗрибәсе булган тракторчы - "Содружество" ҖЧҖга барырга булды. "Эштән курыкмыйм, тырышачакмын", - диде ул. Шәһәрле Юлиянең дә тормыш хәле җиңелләрдән түгел: ире белән кредит алганнар, кибет ачканнар, әмма сәүдә табыш китермәгән, салымнарын түли алмаганнар. Хәзер яшь ханым шәхси ярдәмче хуҗалык белән шөгыльләнергә, сөт җитештерү өчен сыерлар сатып алырга тели. "Бизнес-план төзедем, комиссия карарын көтәм", - дип уртаклашты ул.
Вакансияләр эзләүчеләр нигездә пенсия яшенә җитеп килүчеләр һәм яшьләр. "Миңа 52, предприятие ябылды, хәзер беркая урнаша алмыйм", - ди Татьяна. Виктория 11нче сыйныфтан соң ук кияүгә чыккан, бала тапкан, укырга вакыты юк, ә эшкә махсус һөнәри белемсез алмыйлар. Миләүшә югары уку йортын тәмамласа да, эш белән берничек тә барып чыкмый.
Халыкның мәшгульлек үзәге директоры Владимир Торгашов сүзләренчә, агымдагы елның өч аенда аларга 171 кеше мөрәҗәгать иткән. Күчерелә торган пособиенең уртача күләме 2444 сум тәшкил итә, эшсезләрнең 48 проценты 850 сум минималь пособие ала.
Ел башыннан җәмәгать эшләренә 15 кеше юлланган, күчерелгән хезмәт хакларына дәүләттән 2125 сум күләмендә матди ярдәм бүлеп бирелә. Һөнәри әзерлек үтәргә, үз квалификацияләрен күтәрергә 41 кеше теләк белдерде.
Эш бирүчеләргә 15 вакансий тәкъдим ителде.
"Эшсезләрнең уртача яше - 50, - дип хәбәр итте Владимир Петрович. - Алар өчен Казан эшкуарларыннан каравылчылар укыту буенча яхшы тәкъдим бар. Без ике атналык курсларга түлибез, ә ул - эш бирүне гарантияли".
Тәтештә яшәгән бер гаилә Казанга күченүенә үкенми. Мәшгульлек үзәге укуга һәм өч айга яшәү урыны өчен түләгән. Хәзер алар лаеклы хезмәт хакы алалар. Кондуктор, юл монтеры, слесарь булып урнашу мөмкинлеге бар.
Кайбер эш бирүчеләрнең карашлары аңлашылып бетми: 15 чакырылучының яртысы килмәде, аларның өстәлләре буш калды...
Ярминкә нәтиҗәләре буенча гражданнарга эшкә юллама бирелде, бер кешене генә һөнәри әзерлек кызыксындырды һәм 15 кеше белгечләр тарафыннан халыкның мәшгульлек законнары мәсьәләләре буенча консультация алды.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84
