Тетюшские зори
  • Рус Тат
  • Париж подиумындагыйдай йөргәннәр

    Мәктәпнең мода яратучылары безгә танылган Коко Шанельне мирас итеп калдырган 55нче еллар стиленә тукталганнар.

    (Тәтеш, 28 гыйнвар, “Тәтеш таңнары”, Динә Мансурова). Олы Тархан урта мәктәбе коллективы югалмый торган классикадан – беркайчан да модадан чыкмаучы ак һәм кара төсләрдән хатын-кызлар киемнәре ­коллекциясе булдырган. 

    Мәктәпнең мода яратучылары безгә танылган Коко Шанельне мирас итеп калдырган 55нче еллар стиленә тукталганнар. Технология укытучысы Гөлүсәр Ногуманова җитәкчелегендәге осталар 20 күлмәктән торган кызыклы ­коллекция әзерләгәннәр.
    Мәктәптә хатын-кызлар киеменең яңа кол­лек­циясен күрсәтүне озак көт­кәннәр, аңа җентекләп әзер­ләнгәннәр. Моңа кадәр күп кенә укучылар, укытучылар һәм ата-аналар активының тырыш хезмәте белән татар халкының милли киемнәр коллекциясе әзерләнгән булган. Хәзер исә нигездә нибары ике: кара һәм ак төсләр алынган.

    Әлеге чарага мәктәпнең бөтен коллективы җыел­ган. Мәктәпнең директоры, проект идеясен рухландыручы Расих Шагаев осталык һәм матурлык бәйрәмен ачып, ­болай дигән:

    – Кеше тирә-юньдәге матурлыкны күрергә, аның кадерен белергә һәм иҗат итәргә тиеш. Янәшәдән, хәтта күзгә күренмәслек җирдән, матурлыкны, шатлыкны һәм күңел­лелекне таба белүчеләр бәхетле. Кайчагында иң гади әйбер­ләрдә дә кешенең тормышын бизи ала торган нәрсәләр яшеренгән була.

    Чынлап та, кызлар­ның һәм ­алар­ның остаз­ла­рының ­осталыгы яр­дәмендә аклы-каралы тукымалар матур күлмәк­ләргә әверелгән. Алар­ның һәркайсы – идеядән һәм компьютерда проектлаудан алып сәхнәгә чыгып матур итеп күр­сәтүгә кадәрге озын юл узган. Һәм менә дулкынландыргыч мизгелләр җиткән. Кызлар үзләренең авторлык әсәрләрен ышанычлы рәвештә Парижның иң модалы подиумындагыдай итеп күрсәткәннәр.

    – Йөзләгән карашлар төбәлгәндә модельләрчә атлап йөрү җиңел­ләрдән түгел. Аның каравы тама­ша­чыларның шатлык­лы карашларын күрү, көчле алкышларын ише­тү күңелле булды, – диде­ләр яшь тегүчеләр һәм модельләр. 

    – Яшь модельләр арасында минем олы кызым – сигезенче ­сыйныф укучысы да бар иде һәм ул берничә күлмәк җи­тештерүдә катнашты. Кара һәм ак һәрвакытта киң кулланылышта, алар беркайчан да модадан чыкмый, – дип ­уртаклашты ­Елена Миназова.

    Кара белән ак кушылмасы асыл­да: тормыш юлын ­чагыштыра торган төсләр; шахмат ­тактасы – аның белән шушы дөньяның тәңгәлләшүен гәүдәләндерәләр. Киемнәр коллекциясе проектын тормышка ашыру барышында балалар образлар, өл­ге­ләр ясауда үз осталыкларын күрсәткәннәр. Бәлки кайчан да булса Олы Тарханда туып-үскән бөек ди­зайнерның да исемен бар дөнья белер.

    фотоны Олы Тархан мәктәбе тарафыннан тәкъдим ителде

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: