Тетюшские зори
  • Рус Тат
  • Татарстанда коронавируска каршы мәҗбүри вакцина ясату кертелде

    ТР буенча баш дәүләт санитария табибы Марина Патяшинаның агымдагы елның 11 октябреннән Татарстанда эпидемия күрсәткечләре ­буенча гражданнарның аерым категорияләренә КОВИД-19га каршы мәҗбүри ­вакцина ясату турындагы карары (№7) гамәлгә керде.

    Карардан күренгәнчә, һичшиксез, прививка ясаткан булырга тиешләр: 

    60 яшь һәм аннан өлкәнрәк затлар.
    Хезмәткәрләр:
    – медицина һәм санаторий-сәламәтләндерү оешмалары;
    – белем бирү оешмалары, шул исәптән өстәмә белем бирү оешмалары;
    – социаль хезмәт күрсәтү һәм социаль яклау учреждениеләре; 
    – транспорт һәм транспорт инфраструктурасы, сәнәгать пред­приятиеләре, төзелеш һәм проектлау, авыл хуҗалыгы һәм эшкәртү сәнәгате оешмалары.
    Затлар:
    – социаль хезмәт күрсәтү оешмаларында яшәүчеләр; 
    – вахта ысулы белән эшләүчеләр, волонтерлар; 
    – хәрби хезмәткә чакырылырга тиешлеләр; 
    – хокук саклау органнары, дәүләтнең контроль органнары хезмәткәрләре, дәүләт чиге аша уздыру пунктлары, суд органнары хезмәткәрләре.
    Хезмәт күрсәтү өлкәсе оешмалары хезмәткәрләре: 
    – сәүдә; матурлык салоннары, чәчтарашханә, косметика, СПА-салоннар, массаж салоннары, соляри, мунча, сауна, физкультура-сәламәтләндерү комплекс­лары, фитнес-клублар, бассейннар;
    – көнкүреш хезмәтләре , шул исәптән кер юу, химик чистарту, ателье һәм ­башка шундый хезмәтләр; 
    – җәмәгать туклануы бүлеге; 
    – финанс оешмаларының клиентлар бүлекчәләре;
    – почта элемтәсе хезмәтләре күр­сәтү оешмалары;
    – пассажирлар, багаж һәм йөк ташу буенча хезмәтләр күрсәтүчеләр;
    – дәүләт һәм муниципаль хезмәтләр күрсәтүче күпфункцияле үзәкләр; 
    – пенсия, социаль һәм медицина имини­яте, мәшгульлек хезмәтләре; 
    – кәрәзле элемтә бүлеге; 
    – торак-коммуналь хуҗалык һәм энергетика бүлеге;
    – мәдәни, күргәзмә, мәгариф чаралары (шул исәптән музейлар, театрлар, кинотеатрлар, концерт һәм күргәзмә заллары, китапханәләр, лекцияләр, тренинглар);
    – ял итү, күңел ачу, тамаша чаралары (шул исәптән уен чаралары, мастер-­класслар, цирк, зоопарклар, ­аквапарклар);
    – балалар өчен уен бүлмәләре, балаларның күңел ачу үзәкләре, балаларның көндезге ял лагерьлары, балигъ булмаганнар өчен биналарда, корылмаларда (алардагы бүлмәләрдә), шул исәптән мәдәният һәм ял паркларында, сәүдә-күңел ачу үзәкләрендә һәм башка урыннарда шундый чаралар үткәрүчеләр;
    – балигъ булмаган балаларга ял һәм сәламәтләндерү хезмәтләре күрсә­түчеләр; 
    – күмәк рәвештә физкультура һәм спорт чаралары үткәрүчеләр;
    – юристлык, типография, кунакханә, туристлык, мәгълүмат хезмәтләре күрсәтүчеләр; 
    – даруханәләр һәм ветеринария оешмалары, клининг компанияләре хезмәтләре; 
    – дезинфекция, дезинсекция, дератизация, ритуаль хезмәтләр күрсәтүчеләр;
    – автомобильләргә техник хезмәт күрсәтү һәм ремонтлау буенча хезмәтләр күрсәтүчеләр; 
    – каравыл тору предприятиеләре хезмәтләре, әйберләр китерү, курьерлык хезмәтләре күрсәтүчеләр.
    дәүләтнең гражданнар һәм муниципаль служба хезмәткәрләре; 
    – Татарстан Республикасында дәүләт вазифаларын башкаручы затлар;
    һөнәри белем бирү оешмаларында һәм югары белем бирү оешмаларында ­укучы 18 яшьтән өлкәнрәкләр, һөнәри оешмаларның структур бүлекчәләреннән һәм югары белем бирү мәгариф оешмаларыннан практика узар һәм структур подразделениеләрдән тыш дәресләр үткәрер өчен җибәрелүчеләр.
    2021 елның 9 ноябреннән вакцина ясатуның беренче этабын узмаучылар, ә  агымдагы елның  7 декабреннән вакцинаның икенче компонентын алмаучылар эштән читләштерелергә тиешләр, дип язылган карарда.
    Бу карар Татарстанда яшәүче вакцина ясатырга ярамаганлыгы турындагы ­документ рәсмиләштерүчеләргә кагылмый.

    Карарның тулы тексты белән Татарстан Республикасы ­буенча Роспотребнадзор Идарәсе­ ­сайтында ­танышырга мөмкин.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: