15 октябрьдән “Ак таяк” айлыгы башланды
Айлыкның төп максаты – күзләре начар күргән кешеләргә игътибарны тагын да арттыру.
(Тәтеш, 21 октябрь, “Тәтеш таңнары”). Ак таяк тарихы 1921 елда, күзе күрмәгән инглиз кешесе Джеймс Бигс, гадәти таяк белән башкалардан аерылып тору өчен, үзенең таягын ак төскә буягач башланган. Сукырларны ак таяклар белән бары тик 10 елдан соң гына тәэмин итә башлаганнар, аннары алар, күзе күрмәгән кешеләрнең символы буларак, башка илләрдә дә барлыкка килгән. Халыкара “Ак таяк” айлыгы 15 октябрьдән башланды. "Транспорт йөртүче шоферларга, оешмаларда һәм предприятиеләрдәге хезмәткәрләргә, барлык тәтешлеләргә мөрәҗәгать итәсе килә: күзе күрмәгән кешеләрнең гомере һәм сәламәтлеге күп яктан сезгә бәйле. Күзләре начар күрүче инвалидларның борчуларын игелекле һәм ярдәмчел кешеләрдән башка хәл итү мөмкин түгел”, – ди районның сукырлар җәмгыяте рәисе Нина Краюшкина.
Следите за самым важным и интересным в Telegram-каналеТатмедиа
Нет комментариев