Алабирде мәктәбе укучылары иҗади бәйгедә уңышларга ирештеләр
Казанда Татарстан Республикасы Президенты Рөстәм Миңнеханов катнашында Бөтенроссия туган тел форумы узды.
(Тәтеш, 2 май, “Тәтеш таңнары”).
Казанда Татарстан Республикасы Президенты Рөстәм Миңнеханов катнашында Бөтенроссия туган тел форумы узды. Форум кысаларында “Илһам” Бөтенроссия яшь шагыйрьләр һәм язучылар бәйгесендә, татар теле буенча Халыкара олимпиадада җиңүчеләр һәм призерлар хөрмәтләнде. Алабирде урта мәктәбе укучысы Йолдыз Салеева икенче урынны яулады, Фирүзә Мәүлетова һәм Рамилә Сабирова лауреат дипломы белән бүләкләнделәр. Укучыларны Алабирде урта мәктәбенең татар теле һәм әдәбияты укытучысы Ландыш Гарифуллина әзерләде.
– Бәйге минем өчен чын ачыш булды. Элек бу бәйге турында ишеткәнем бар иде, әмма катнашканым булмады. Быел үземне сынап карарга булдым. Жюри әгъзаларына ике эш: берсе автобиография эчтәлегендәге, берсе – сугыш чоры балалары, әбием һәм бабам хакындагы язмаларны тәкъдим иттем. Бәйге күңелемдә бары тик уңай кичерешләр калдырды. Туган телемә, татар халкыма карата хөрмәтем һәм мәхәббәт хисләрем тагын да артты, – дип уртаклашты Йолдыз Салеева.
Следите за самым важным и интересным в Telegram-каналеТатмедиа
Нет комментариев