Алкоголь базары – контрольдә

(Тәтеш, 2 июнь, "Тәтеш таңнары"). Яшел Үзән территориаль органы белән берлектә Тәтеш районының җирле үзидарә органнары, хокук саклау һәм контрольлек итүче органнар тарафыннан 2020 елның I кварталында алкоголь базарында өстенлекле бурычларны хәл итү буенча комплекслы чаралар тормышка ­ашырылган. 

“Узган елда 1 сәүдә ноктасына бер лицензия бирелде. Районда 2020 елның 1 май торышына 63 сәүдә объектларындагы 16 юридик зат лицензиягә ия булды, – дип хәбәр итте Татарстан Республикасы Дәүләт алкоголь инспекциясенең эксперт-белгече Елена ­Сазонова. – Чараларның нә­тиҗәлелеге һәм күләме районның алкоголь базарын контрольдә тотуны тәэмин итәргә мөмкинлек бирде. Алкоголь һәм спирт кушылган продукцияләр әйләнеше өлкәсендә 185 тикшерү чарасы үткәрелде, гамәлдәге законны бозуның 8 очрагы теркәлде. Тиешсез әйләнештән 43 литр алкоголь һәм спирт кушылган продукция алынды. Җинаять эше кузгатылды һәм судка юлланды.

Тикшерүләр нәтиҗәсе буенча хокук бозучылар 210 мең сум штрафка ­тартылды”.

Ведомстволар карамагындагы районнар чиге янындагы лицензияле сәүдә нокталары арасында адреслы программаларны тормышка ашыру буенча эшләр алып ­барыла.