Тетюшские зори
  • Рус Тат
  • Балыкка кислород кирәк

    Биоресурслар буенча дәүләт комитеты хезмәткәрләре, кече суднолар буенча дәүләт инспекциясе, гражданнарны яклау көллияте студентлары кышын һәм яз башында балыкларга ярдәм итәр өчен бозга чыгалар.

    (Тәтеш, 5 февраль, «Тәтеш таңнары»). Питомник торак пунк­ты янындагы күлдәге балыкларга табигый кислород кертү өчен тишекләр бораулау буенча “Балык – була” акциясендә район гәҗите журналистлары да катнашты.

    Поселокны һәм күлне кышын кар киңлеге бүлеп тора, аны бары тик кар машиналарында, яки инде, чаңгыларда гына йөреп чыгарга була.  Без беренче ысулны сайлыйбыз һәм ун минуттан кирәкле урынга барып җитәбез. 

    “Безнең бурыч балык­лар әйбәт кышлап чыксын өчен томаланган сулыкларда һава керү мөм­кинлеген тәэмин итү. Мондый чараларны үткәрү ешлыгы бозның һәм кар капламының калынлыгыннан тора. Акциядә ау күзәтчелеге районара бүлеге начальнигы Сергей Кириллов, ТР су биологик ресурслары буенча дәүләт комитеты хезмәткәре Илнур Рәхимов, ТР буенча Россия МЧС КСДИ ИДнең Кама Тамагы инс­пекторлык участогы үзә­ге җитәкчесе Алексей Анань­ев катнаша”, – дип билгеләп үтә “Долгая Поляна” дәүләт табигый тыю­лыгы комплексы начальнигы Евгений Савельев. 

    Көллият курсантлары өчен мәҗбүри инструктаж – һәм эш башлана. Беренче эш итеп тал ботаклары әзерләнә: алар бораулап ясаган тишекләргә ясалма куак булдыру, озаграк вакытка ачык тоту һәм балыкларга кислород килүне тәэмин итү өчен кирәк. Курсантлар куелган бурычларны тәҗрибәле остазлары җитәкчелегендә җиңел генә башкарып чыгалар, шуннан соң тишекләрне бораулау башлана. Бу максатлар өчен бораулау җайланмасы файдаланыла, ул эшләү вакытын шактый киметә, шулай итеп бер сәгать дигәндә боз калынлыгында егермедән артык тишек барлыкка килә.
    Алексей Ананьев әй­түенчә, көллият курсант­лары мондый чараларга очраклы рәвештә генә җәлеп ителми: әлеге тәҗрибә аларга һөнәри эшчәнлекләрендә ярдәм итә ала. Кече суднолар дәүләт инспекциясе җитәкчесе билгеләп үткәнчә, акция барышында кешеләргә су объектлары куркынычсызлыгы кагыйдәләре турында өстәмә мәгълүмат бирелә һәм боз торышы мониторингы уздырыла. 

    “Балык – була” акциясе барыннан да бигрәк мартта үткәрелә, әмма аның вакыты быел гыйнвар ахырына күчерелде, чөнки балык тончыга башлады”, – ди Сергей Кириллов.

    Эш тәмамланды, һәм без кар баскан кыр буйлап торак пунктка кайтабыз. Әмма, һава торышы шартла­рына карамастан, безнең юл­дашлар боз кап­ланган сулыкларга тагын берничә­шәр тапкыр барачак әле, чөн­ки балыкка хәзерге вакытта кислород бик кирәк. 
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: