Батырлар белән горурланабыз
Бөек Ватан сугышында Җиңүнең 73 еллыгы уңаеннан булып узган күмәк велоузышка өч йөзгә якын тәтешле җыелды.
Старт игълан ителер алдыннан, анда катнашучыларга “Батырлык” патриот клубы активистлары тарафыннан ике йөздән күбрәк Георгий тасмасы тапшырылды. Тәтештәге 1нче урта мәктәп укучылары Алексей Розов белән Антон Андриянов Җиңү символы беркетеп, үзләренең фронтта булган бабалары, һәм оныкчыкларының алар белән горурланулары, хакында уртаклаштылар.
“Матур гадәтләрне без һәрчак хуплыйбыз, – дип хәбәр иттеләр Тәтеш РЭЧ вәкилләре. – Спортны яратабыз һәм сәламәт яшәү рәвешен пропагандалыйбыз”.
Район башлыгы Рәмис Сафиуллов ярышта катнашучыларны сәламләп, болай диде: “Халкыбызның зур югалтулар кичерүе бәрабәренә Ватан бәйсезлеген җиңеп алган ул чактагы героик вакытлар бездән торган саен ерагая бара. Әлеге изге көн алдыннан без сугыш ветераннары белән очраштык. Районыбызда алар нибары 17 кеше калды, һәм безнең изге бурыч – хәзерге тыныч тормыш өчен мөмкин булган һәм булмаганның барысын да эшләгән кешеләр турындагы истәлекне саклау”.
Лина ТИХОНОВА
Следите за самым важным и интересным в Telegram-каналеТатмедиа
Нет комментариев