Бу хакта белү мөһим

(Тәтеш, 15 гыйнвар, “Тәтеш таңнары”). Җинаятьләр, админис­тратив хокук бозулар, аларны кылган урынына һәм вакытына яисә барлыкка килүенә бәйле булмаган рәвештәге хәлләр турында, шулай ук алардагы мәгълүматларның тулылыгы һәм аларны бирү төрләре Россия Эчке эшләр министрлыгының барлык территориаль органнарында мәҗбүри кабул ителергә тиеш. Дежур частьләрдә оператив кизү торучылар тарафыннан тәүлек әйләнәсе кабул итү гамәлгә ашырыла. Гражданиннан (га­риза бирүчедән) гариза кабул итүче вазифаи зат гаризаларны теркәү белән беррәттән талон-белдерү кәгазе рәсмиләштерергә һәм бирергә тиеш.   

Мөрәҗәгать итүчедән җинаять турындагы язмача гариза кабул иткәндә, мөрәҗәгать итүчегә бе­лә торып ялган шика­ять биргән өчен РФ ҖК­ның 306нчы маддәсе нигезендә җинаять җа­вап­лылыгы ­турында ки­сәтү ясала, бу хакта гариза бирүченең им­засы белән расланган билгеләмә эшләнә. 

Телефоннан әйтелгән мәгълүматны тулы­сын­ча теркәүне контрольдә ­то­туны тәэмин итү максатларында, территориаль органнарның кизү частьләрендә мәгъ­­лү­матларны теркәү программа-техник җай­лан­малар белән язып алына. Моннан тыш, РФ Дәүләт хезмәтләре порталында Россия Эчке эшләр министрлыгының дәүләт хезмәтләрен электрон рәвештә алу мөмкинлеге тәэмин ителгән. 

Җинаятьләр, админис­тратив хокук бозулар һәм һәлакәтләр турын­дагы гаризаларны, хәбәр­ләрне кабул итү һәм кабул итүдән баш тарту белән бәйле гамәлләр турында тәтешлеләр шушындый ук ысул белән шикаять бирә, яисә прокуратурага мөрәҗәгать итә алалар. Җинаятьләр, административ хокук бозулар, һәлакәтләр турындагы гаризаларны һәм хәбәрләрне хәл итү канун нигезен­дә билгеләнгән тәртиптә ­башкарыла.

Тәтеш районы эчке эшләр бүлегенең кизү тору часте телефоны: 02, (84373) 2-87-28.
Россия Эчке эшләр министрлыгының Татарстан Республикасы буенча ышаныч телефоны: 8(843) 2912-002.