Тэтэш таннары
  • Рус Тат
  • Эшчәннәргә дан җырлыйлар

    Алабирденең “Ак калфак” бүлеге әгъзалары “Нур” ҖЧҖ хуҗалыгы кырларында икенче икмәк – бәрәңге утыртуда катнашучыларга музыкаль тәнәфес оештырды.

    Җыр-моңга оста, һәр яктан сәләтле Мәрьям Зиннәтуллина, Гөлсинә Габбазова, Фәнзилә Сафиуллина тырыш эшчәннәр Рөстәм Арсланов, Нәҗип Зәйнуллин, Әмин Шәйхетдинов, Ленар Насыйров, Илдус Вәлиев, Равил Сафиуллиннарга багышлап матур көйләр бүләк иттеләр. Ә кыр батырлары исә, “Ак калфак­лыларның” туган җирләрендә фидакарь хезмәт куючыларга багышлап дан җырлаган аһәңле тавыш­ларын тыңлап, җаннарына ял һәм рухи байлык алдылар. 
    “Басуда эшләүчеләр без килгәнгә аеруча да сөенделәр, һәр чыгышны яратып кабул иттеләр”, – диделәр Алабирденең  аккалфаклы ханымнары.
    Байраш мәдәният хезмәткәрләре Ләй­сән Хәйруллина, Тәнзилә Йосы­пова, Рамил Ильясов, авыл фельд­ше­ры Василә Нигъмәтуллина, үзешчәннәр Рәмис Фәттахов, Азалия Хәйруллина “Яңа юл” хуҗалыгы басуларында тырышып хезмәт куй­ган авылдашларына (рәсемдә) матур концерт бүләк иттеләр. 
    “Күңелле җырлар башкардык, шәф­кать туташы игенчеләрнең сәламәтлекләре белән кызыксынды, файдалы киңәшләрен бирде. Чәчүдән соң аларны тагын да җаваплы эшләр – игеннәрне өстәмә тукландыру, чүп үләннәреннән арындыру көтә. Теләгебез шул, хезмәт нәтиҗәләре мул уңыш белән сөендерсен”, – диделәр күчмә агитбригаданы оештыручылар.   
     

    Нравится
    Поделиться:
    Реклама
    Комментарии (0)
    Осталось символов: