Тетюшские зори
  • Рус Тат
  • Эшмәкәрләр ярдәм иткән

    “Тормыш игелекле эшләр өчен бирелгән”, – ди халык зирәклеге, ә Тәтеш районында яшәүче һәм биредә туып-үскән кешеләр аның хак сүзләр икәнен үз гамәлләре белән ­раслыйлар.

    (Тәтеш, 21 май, "Тәтеш таңнары"). Билгеле булганча, өлкән яшьтәге кешеләр аерым кайгырту һәм игътибарга мохтаҗ. 

    Җиңү көне алдыннан “Нур” агрофирмасы җи­тәкчесе Радик Нургалиев Зур һәм Кече Әтрәчтә яшәүче тыл эшчәннәрен һәм сугыш чоры балаларын бәйрәм белән котлап, аларга азык-төлек җыелмалары тапшырган. “Өлкәннәргә игътибарлы булу – бу бик мөһим. Авыл халкы Радик Галимҗан улына  кайгыртучанлыгы өчен рәхмәтле”, – ди Зур Әтрәч авыл җирлеге башлыгы Илнур Юнысов. “Аллага шөкер, барысы да бар, әмма мондый игътибарлылык бик күңелле”, –  дип уртаклашты Фәһимә әби Сәйфетдинова.

    Эшмәкәр Илнур Хәй­руллин да унбиш сугыш чоры баласына һәм тыл эшчәненә бүләк ясаган. Ул Җиңү көнендә  өлкәннәрне бәйрәм белән шәхсән котлап, үзе җитештергән продукция­не бүләк иткән.

    Иоково халкына Бөек Җиңүгә багышланган тантаналы митингны оештыруда һәм үткәрүдә гадәттәгечә авыл егете Виктор Светлов булыша. Бу ел да искәрмә түгел: бәйрәм көнендә Бөек Ватан сугышы елларында һәлак булган каһарманнар обелискына гирляндалар салынган. “Бу чарага Виктор Ильич зур венок һәм тыл эшчәннәре өчен азык-төлек җыелмалары алып килде. Мондый ярдәм һәм булышлык тагын бер кат дөреслекне раслый – яхшы кешеләр начар кешеләргә караганда күбрәк”, – диде китапханәче Лилия ­Арисова.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: