Чик буен адымлап үлчәгәннәр

"Әйдәгез берләшик, бүгенге кебек бергә җыелыйк. Бергә ял итик", - дип тәкъдим итте чик буе гаскәрләренең запастагы лейтенанты Зиннур Габдуллин, чөнки бүгенгә кадәр 2-3 кеше генә җыелганнар, һәм шәһәр урамнарында бу бәйрәмне беркем дә тоймаган.

Ә хәзер чик буе заставасында "сугышчан" үткәне булган, яшел фуражкалы берничә дистә кеше Обелиск янына җыелды. Алар якташлары хөрмәтенә чәчәкләр салдылар. Шуннан соң чик сакчылары гармун уйнап, горур кыяфәт белән шәһәр үзәге аша уздылар. Моның алар көне, чик буе үз серләрен ышанып тапшырган кыю сугышчылар көне икәнлеген урамдагы һәр кеше белде.