Тетюшские зори
  • Рус Тат
  • Казанда Минтимер Шәймиевкә багышланган күргәзмә ачылган

    “Россия – минем тарих” мультимедиа паркы кызыксындыргыч мәгълүматларга бай.

    (Тәтеш, 20 гыйнвар, “Тәтеш таңнары”). Казанда Татарстанның беренче Президенты, Татарстан Дәүләт Советы Киңәшчесе Минтимер Шәймиевка багышланган күргәзмә ачылган. “Республика затлары” дип исемләнгән күргәзмәне “Россия – минем тарих” мультимедиа паркы башлап җибәргән.

    26 залдан торган күргәзмә Татарстан Республикасының беренче Президенты халык тарафыннан сайлануына 30 ел тулуга багышланган. 133 экранда фото- һәм видеоматериаллар тәкъдим ителгән. Минтимер Шәймиевнең шәхси материаллары да куелган. Алар арасында партиягә керү турында гариза, эш өстәле һәм кулдан язылган автобиография бар.

    Татарстан Республикасы Дәүләт Советы рәисе Фәрит Мөхәммәтшин Минтимер Шәймиевнең беркайчан да авырлыклардан, халык белән ачыктан-ачык сөйләшүдән курыкмавын әйткән. “Аның үз фикере бар һәм ул аны кыюлык белән җиткерә белә. Без аннан сабырлыкка һәм оптимист булырга өйрәндек. Зирәклегенә һәрвакыт сокланабыз. “Йомшак нервлар белән хакимияткә керергә ярамый”, дип әйткәне әле дә истә”, – дигән ул.

    Күргәзмәне ачу тантанасында Минтимер Шәймиев алып барган сәясәтнең республикада тотрыклылык һәм гражданлык татулыгын саклап кала алуы хакында әйтелгән. Татарстанның беренче президент җитәкчелегендә уңышлы һәм үсеш кичергән территория булуы билгеләп үтелгән.

    “Минтимер Шәрипович Татарстан икътисадын һәм без эшли алган продукцияне дөньяга тәкъдим итте, шул рәвешле, ярдәм кулын сузды. Халык эшсез калган елларда республикада авария хәлендәге торак фонды барлыкка килде, меңләгән кеше яңа торакка күченә алды. Ул һәрвакыт ярдәм итәргә әзер”, – дигән ТР предприятиеләре һәм сәнәгатьчеләре Ассоциациясе президенты Александр Лаврентьев.

    ТР Дәүләт Советы рәисе урынбасары Татьяна Ларионова күргәзмә ун көн дәвам итәчәк дигән. “Алга таба республика тарихында үз эзен калдырган башка затларга багышланган экспозицияләр көтелә”, – дип белдергән.

    Күргәзмәгә керү бушлай.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: