Кимерүчеләрне кул белән тотмагыз

Инфекцияне җәйге-көзге айларда табигатьтә булганда – гөмбә, җиләк җыйганда, балык тотканда, су коенганда, саф һавада ял иткәндә, шулай ук бакча-яшелчә кишәр­лекләрендә эшләгәндә йоктырырга мөмкин.

ТР буенча Роспотребнадзор идарәсенең Тәтеш, Буа, Апас, Чүпрәле районнары территориаль бүлеге начальнигы урынбасары Олег Мазюкин бөер синдромы белән геморрагик бизгәкне ничек йоктырмау турында сөйләде:

– Кимерүчеләр тарата торган йогышлы авыруларны профилактикалау өчен  табигатькә чыкканда, бакча-яшелчә кишәрлекләрендә эшлә­гәндә, мал-туарны караганда түбәндәге гади кагыйдәләрне истә тотарга һәм үтәргә кирәк: ял итү өчен үсемлекләр аз булган аланнарны сайларга, ял итү урыннарын кимерүчеләрне җәлеп итә торган чүп-чар һәм азык калдыклары белән пычратмаска; азык-төлек һәм су запасын кимерүчеләр үтеп керә алмаслык савытта ­сакларга; таныш булмаган һәм төзекләндерелмәгән чишмәләрдәге суны эчмәскә, чишмә суын эчәр алдыннан һич­шиксез кайнатырга; кимерү­челәрне кул белән тотмаска; шәхси гигиена кагый­дәләрен үтәргә (тукланыр алдыннан кулларны юарга); яшелчә бакчасында эшләгәндә, терлек-туарны караганда сак­лагыч киемнәр һәм бияләйләр кулланырга; хуҗалык корылма­ларының һәм торак бина­ларның кимерүчеләр үткәр­мәүчәнлеген тәэмин итәргә, моның өчен фундаментта, диварларда һәм идәннәрдә кимерүчеләр зарарлау­га чыдам материаллар белән җимереклекләрне вакытында ясап куярга, җилләтү тәрәзәләренә зурлыгы 10га 10 миллиметр­дан артмаган челтәрләр урнаштырырга; биналарны дезинфек­цияләү чаралары кулланып, вакытында юарга һәм дымлы җыештыру үткәрергә;  территориянең чүп­ләнүенә һәм чүп үләннәре зур булып үсүгә юл куймаска; торак биналарда, корылмаларда һәм бакча кишәрлекләрендә кимерүчеләр белән көрәш буенча системалы чаралар (дератизация) уздырырга, алардан файдалану буенча күрсәтмәләр нигезендә халык тарафыннан көнкүрештә куллану өчен рөхсәт ител­гән әйберләрне файдаланырга, шулай ук шәхси һәм җәмәгать иминлеге кагый­дәләрен үтәргә. 

Авыру билгеләре барлыкка килгәндә (тән температурасының 38 – 39 градуска кадәр кискен күтәрелүе, салкын тию, тәндә авырту, баш һәм мус­кул авыртулары (бигрәк тә бот балтырлары мус­куллары), тәндә вак нокталар булып кан савулар яки күз конъюнктивы булганда) кичекмәстән дәвалау-профилактика учреж­дениесенә медицина ярдәме сорап мөрәҗәгать итәргә кирәк. Югыйсә өзлегүләр күзәтелергә мөмкин, алар эчке органнарга: бөерләргә, бавырга, нерв системасына һәм башкаларга зыян китерергә мөмкин.