Тетюшские зори
  • Рус Тат
  • Май бәйрәмнәренә яллар тәртибе билгеле булды

    Майның беренче эш атнасы ике көн дәвам итәчәк.

    (Казан, 3 апрель, «Татар-информ»). Россия халкы 1 май бәйрәменә дүрт көн рәттән ял итәчәк, дип Федераль хезмәт һәм мәшгульлек агентлыгына сылтама белән «Интерфакс» агентлыгы хәбәр итә.
    Ял көннәре 29 апрельдә, якшәмбе башланып, чәршәмбе, 2 майга кадәр дәвам итәчәк.
    Шимбә, 28 апрель, ялы күчерелү сәбәпле, 30 апрель эш көне булмаячак.
    Чәршәмбе, 2 май, 2018 елның 7 гыйнвар ялы (ул якшәмбегә туры килгән иде) күчерелү нәтиҗәсендә, ял көне була.
    Майның беренче эш атнасы ике көн дәвам итәчәк, диелә агентлык хәбәрендә.
    Җиңү көнен - 9 майны (ул чәршәмбегә туры килә) бәйрәм иткәндә исә ял көне күчерелмәячәк. Шул ук вакытта, 8 майда эш көне бер сәгатькә кыскарак булачак.
    12 июнь - Россия көнен бәйрәм итү уңаеннан өч көн (10, 11, 12 июнь) ял итәчәкбез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: