Милек салымнарын түләү вакыты тәмамланырга берничә көн калды

(Тәтеш, 28 ноябрь, “Тәтеш таңнары”). Салым хезмәте ­ис­кә төшерә, әгәр ­салым тү­ләүче ­салымнарын бел­дерү кәгазендә күр­сә­телгән вакытка түлә­мәсә, ул чакта инде 2020 елның 2 декабреннән пеня исәпләү хисабына салым бурычы арта башлаячак. Бу очракта салым органы вакыты чыккан салымны түләү турында таләп итү кәгазе җибәрәчәк. 
Әгәр әҗәте булган кеше аны үтәмәсә, бу очракта салым органы судка мөрәҗәгать итәчәк. Аннары бурычны суд приставлары алачак, аларның чикләү чаралары куллануы ихтимал, мәсәлән, әҗәтленең банк счетын блокадаларга яки аның милкенә арест салырга мөмкиннәр.

“Салым өчен мәҗбүри алу чараларын булдырмас өчен, милек хуҗалары­ның салымнарын вакытында түләүләрен сорыйбыз”, – дип белдерәләр белгечләр.