Олимпиада уты
Якташыбыз, стендка ату буенча берничә тапкыр Дөнья, Европа, Россия чемпионы Светлана Демина 2013 елның соңгы көнендә республикабызның игътибар үзәгендә булды.
Олимпия утының Татарстан буенча ике көнлек эстафетасы барышында аңа "Казан-Арена" Олимпия касәсен кабызу ышанып тапшырылды. "Кышкы Олимпиада уты стадион касәсендә генә түгел, ә Татарстанда яшәүче һәркем йөрәгендә кабынды", - диде Светлана. Факел йөртүчеләр арасында (Олимпия уты эстафетасында катнашучылар) "Колос" агрофирмасы" ҖЧҖ җитәкчесе Рәмис Сафиуллов та бар иде, ул моңа авыл хуҗалыгы продукцияләре җитештерүдә югары икътисади күрсәткечләргә ирешкәне өчен лаек булды.
Следите за самым важным и интересным в Telegram-каналеТатмедиа
Нет комментариев