Тетюшские зори
  • Рус Тат
  • Олы Тархан яшьләре – олимпиада призерлары

    Олы Тархан урта мәктәбе укучылары “Кулланучылар хокукларын яклау” темасы буенча чираттагы тапкыр олимпиада призерлары булдылар.

    (Тәтеш, 26 ноябрь, “Тәтеш таңнары”). Безнең республикада олимпиада сигезенче ел уздырыла. Быел олимпиадада катнашу өчен ТРның 8-11нче сыйныфларында белем алучы 13 969 укучы гариза биргән. Олимпиада 2 этапта читтән торып  узды – бу тест һәм кулланучылар хокукларын яклау белән бәйле темага эссе язу. Тәтеш районы укучылары әлеге олимпиадада алтынчы ел рәттән уңышлы катнаша. Быел Олы Тархан урта мәктәбе укучылары: Далер Сидиков – III дәрәҗә дип­лом; Алсу Хәярова – “Кулланучылар белеме  нигезләрен өйрәнүдәге казанышлары өчен”; Данил Куркин – “Кулланучылар законнарын өйрәнүгә һәм җиңүгә омтылышы өчен”; Сергей Егоров – “Кулланучылар хокукларын яклау” темасы буенча укучылар арасында олимпиадада актив катнашканы өчен” номинациясендә “Кулланучылар хокук­ларын яклау” темасы буенча олимпиада призерлары  булдылар. Исегезгә төшерәбез, Олы Тархан мәктәбе укучылары бу олимпиадада 2015 елдан бирле катнаша. Олы Тархан мәктәбеннән катнашучылар күп булды, шуңа аерым дипломнар белән билгеләп үтелделәр, алар бөтен рес­публика буенча танылдылар һәм абруй алдылар.

    “Дулкынландык, нәтиҗәләрне бер ай диярлек көттек”, – ди Олы Тархан мәктәбе директоры ­Расих Шагаев, балалар әлеге олимпиадага нәкъ менә аның җитәкчелегендә әзерләнәләр. “Без Расих Инталович шәкертләренең уңышка ирешәсенә шикләнмәдек тә. Ул кайда гына катнашса да, уңыш елмая”, – дип билгеләп үтә мәктәп директоры урынбасары Зөмәрә Малькова. Укучылар тарафыннан алынган белемнәр аларга кулланучылар буларак дөрес сайлау ясарга һәм кулланучылар хокук­лары бозылган ­очракларда дөрес эш итә белергә ярдәм итәчәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: