Пешкән урынга нәрсә куярга?

(Тәтеш, 14 июль, «Тәтеш таңнары»). *Бәрәңгене кабыгы белән угычтан уып, зарарланган урынга куегыз. 10-15 минут саен алыштырып торырга кирәк. Бәрәңге пешкән тәнне төзәтә һәм яралар калдырмый.

*Йомырка агын чәнечке белән бутагыз да пешкән урынга ябыгыз. Баштарак ул тәнне яндыра, 1-2 минуттан авырту басыла. Йомырка агы сулы кабарчыкларны булдырмый.

*Пешкән урынны шунда ук чылатылган кер сабыны белән ышкысагыз, авырту һәм кызару бик тиз сүреләчәк.

*Кызыл чөгендерне ярага вак угычтан уып, ботка хәлендә ябарга кирәк. Файдасы шулай ук бар.

*Кабакны аеруча да балалар пешкәндә кулланалар, чөнки ул тиз арада авыртуны баса һәм пешкән тирене суытып җибәрә.

*Алоэ яфрагын кисеп алыгыз да, икегә ярып, ярага куегыз. Кич дәвамында 3-4 тапкыр алыштырыгыз, ә төнгә исә эластик бинт белән бәйләп ятыгыз. Иртән торганда авырту да булмас, бары тик пешкән урыннарның эзләре генә калган булыр. 

*Пешкән урынга бал сөртсәгез, ул кызарып чыкмаячак һәм суланып тулмаячак.