Тетюшские зори
  • Рус Тат
  • Россиядә пенсия яшен арттыруга каршы петицияне бер миллионнан артык кеше имзалаган

    Петицияне Россия Президенты, Премьер-министр һәм Федераль җыенга юллаганнар.

    (Казан, 17 июнь, «Татар-информ»). Россиядә пенсия яшен арттыруга каршы петицияне бер миллионнан артык кеше имзалаган. 

    Бүген 15.00 сәгатькә Change.org сайтында пенсия яшен арттыруга каршы урнаштырылган онлайн-петициягә 1 миллион 41 мең 504 россияле имза куйган.

    Петицияне Россия Президенты, Премьер-министр һәм Федераль җыенга юллаганнар. Мондый башлангыч белән Гомумроссия профсоюзлар берләшмәсе чыккан.

    «Росстат мәгълүматлары буенча, Россия Федерациясенең 62 субъектында ир-атларның уртача гомер озынлыгы – 65, ә өч субъектта 60 яшьтән кимрәк. Россия буенча тулаем алганда демографик тенденцияләрне саклаган хәлдә, ир-атларның – 40, хатын-кызларның 20 проценты 65 яшькә җитми», - диелә петициягә аңлатма язуында. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: