Сарыкларның чәчәк авыруы кешеләр өчен дә куркыныч

(Тәтеш, 16

гыйнвар, “Тәтеш таңнары”).  Ставрополь крае территориясендә сарыкларның чәчәк чире барлыгы теркәлгән. Бу хакта ТР буенча Россельхознадзор Идарәсе хәбәр итә. 

Левокумский авылындагы КФХларның берсендәге сарыклардан алынган патология материалын лабораториядә тикшерү нәти­җәсендә, сарыкларда һәм кәҗәләрдә чәчәк чире вирусы китереп чыгаручы генетик материал булуы Төньяк-Кавказ төбәкара өлкә ветеринария лабораториясе тарафыннан ­ачыкланган.  
Сарыклар һәм кәҗә­ләрнең чәчәк чире – вируслы, бизгәк, интоксикация, тиредә һәм лай­лалы тышчаларда папулез-пустулез тимгелләр, малларның, аеруча да яшь терлекләрнең, күп үлүе белән күзәтелә торган кискен контагиоз чир.    
– Хәзерге вакытта сарык­лар һәм кәҗәләрнең чәчәк авыруы очкыннары таралуга чик кую  һәм бетерүгә юнәлдерелгән профилактик, диагнос­тик, чикләүле һәм башка ­чараларны тиешле ветеринария ка­гыйдәләре белән гамәлгә ашы­ру­ның оештыру-ху­җалык һәм ветеринария-сани­тариянең комплекслы чаралары үткәрелә, – дип хәбәр итте Тәтеш районының ветеринария оешмасы начальнигы Рәмис Гарипов.
Авыл хуҗалыгы яки кыргый хайваннар кү­мәк үлгән очракта һәм са­рыкларның чәчәк чи­­ре белән авыруына шик­ләнү булган вакытта Тәтеш районындагы ветеринария хезмәтенә хәбәр итәргә кирәк. Шулай ук дәүләт ветеринария күзәтчелеге идарәсе бүлегенә 8(843) 278-93-53 телефоны буенча мөрә­җәгать итегез.