Шәхси мәгълүматларны әйтмәгез

Явыз ниятле кешеләр кәрәзле телефоннарга шалтыраталар, үзләрен фонд бүлеге хезмәткәрләре дип таныштыралар һәм “яңа мәгълүмат” буенча пенсиягә стаж җитмәве турында әйтәләр, аны расламасалар, шуннан соң түләүләрне туктатып тору белән куркыталар. Мәкерле алдакчылар пенсионерны РСФның ТР буенча бүлегенә яки күпфункцияле үзәккә кабул итүгә язылырга тәкъдим итәләр, ә аннары язуны СМС-код буенча раслауны сорыйлар.  

– Әгәр дә шундый хәл килеп чыкса, белеп торыгыз – сез алдакчылар белән сөйләшәсез һәм мөмкин кадәр тизрәк аралашуны туктатыгыз. Телефоннан шалтыратучыга беркайчан да паспорт мәгълүматын, банк картасы номерын, ПИН-кодны, СМС-кодны яки шәхси кабинеттагы парольне әйтмәгез. Бу хакта өлкән яшьтәге якыннарыгызның һәм танышларыгызның исенә төшерегез, –  дип билгеләп  үтә РСФның ТР буенча Тәтеш районында клиентларга хезмәт күрсәтү бүлеге (бүлек хокукларында) җитәкчесе Ирина Большакова. – Безнең бүлек хезмәткәрләре үз хезмәтләрен йорт саен тәкъдим итеп йөрмиләр. Барлык хезмәтләрне без клиентларга хезмәт күрсәтү бүлегендә һәм күпфункцияле үзәктә яки онлайн дәүләт хезмәтләре порталында түләүсез күрсәтәбез.