Спортзалда нәрсә эзләгәннәр?

Ике урлашу булган, угры "Медведь" спорт залында да булып чыккан. Аерым йортка кереп, 11,5 мең сум акча урлау, белә торып чит кеше милкенә (автомобиль) зыян салу, бер авыл хуҗалыгы предприятиесеннән элекке бухгалтерның эш хакы турында законсыз белешмә бирүенең ике очрагы теркәлгән.

Механик зыян китергән юл-транспорт фаҗигаләре саны да арткан. Юл хәрәкәте кагыйдәләрен бозган 87 кеше, шул исәптән исерек килеш машина белән идарә иткән өч шофер административ җаваплылыкка тартылган.