Су үткәргеч белән нишләргә?
Безнең гәҗит редакциясенә Льяш авылыннан Вера Козлова мөрәҗәгать итте.
(Тәтеш, 3 апрель, «Тәтеш таңнары»).
“Авылда март уртасыннан бирле су юк, халык аны каян булдыра ала, шуннан ала. Бездәге су үткәргечкә кем җаваплы? Аны ремонтларга ел саен халыктан акча җыялар, ремонтлыйлар, ә ул тагын ага башлый. Ульян өлкәсендә районнар “Чиста су” программасына керде, ә безгә проект өчен миллионнан артык түләргә кирәк, диләр. Бу чынлап та дөресме?” – дип сорый ул.
Льяш авыл җирлеге башлыгы Ирина Тихонова җавап бирә:
– Су үткәргеч чынлап та иске, аны һәр елны ремонтлыйбыз. Бүгенге көндә авылдагы бер урамда гына су юк, ремонт алып барыла.
Кешеләрнең әлегә җәмәгать коеларыннан файдалану мөмкинлеге бар.
Гражданнар җыенында, районның башка авыл җирлекләре моны шулай эшләгән кебек, “Чиста су” программасында катнашыр өчен проект-смета документлары һәм аның дәүләт экспертизасын әзерләү ниятеннән үзара салым программасы буенча акча җыярга тәкъдим ителде. Әмма льяшлеләрнең күпчелеге моны мәгънәсезлек дип санады, чөнки авылда нибары 30 йорт су үткәргечтән файдалана.
Шулай ук хуҗалык ысулы белән ремонтлау тәкъдим ителде. Ләкин кешеләрдән мондый җавап килде: “Кайдан өзелә, шуннан төзәтербез”.
Су үткәргечне ремонтлау мәсьәләсе буенча гражданнар җыены үткәрелде, аңа нибары биш кеше килде. Әлеге проблеманы хәл итүдә халык кызыксынмый дигән тәэсирләр туа. Дөрес, безнең су үткәргеч челтәрләрне Тәтештәге су-канализация оешмасына хезмәт күрсәтүгә бирергә дигән тәкъдим керде халыктан, ләкин хәзерге вакытта бу мөмкин түгел, һәм проблеманы бары тик без үзебез генә хәл итә алабыз.
Берничә көн дәвамында ремонт эшләре алып барабыз. “Маяк” авыл хуҗалыгы предприятиесе җитәкчесе рәислегендә, андагы хезмәткәрләр, җирлектә яшәүчеләр булышлык күрсәтә. Мондый киң күңелле кешеләр күбрәк булсын иде.
Следите за самым важным и интересным в Telegram-каналеТатмедиа
Нет комментариев