Тетюшские зори
  • Рус Тат
  • Тәтеш районы Зур Әтрәч авыл җирлегендә яшәүчеләр узган елгы нәтиҗәләрне тикшерергә җыелдылар

    Алар белән очрашуга ТР юстиция министры Лариса Глухова һәм район башлыгы Рәмис Сафиуллов килде.

    Җирлек башлыгы Илнур Юнысов әйтүенчә, 2016 елда авыл кешеләре тара­фыннан шәхси ярдәмче хуҗалык үстерү өчен алты кредит рәсмиләштерел­гән, алар субсидия бирү­дән актив файдалана. Мисалга, ике кеше сигез сыерга терлекчелек бина­сы төзелешенә акча алган. "Яз көне теләге булган һәркемгә бушлай нигездә суган, кишер һәм чөгендер орлыклары бүлеп бирелде. Быел да әлеге тәҗрибәне кабатларга ниятлибез", - дип билгеләп үтте Илнур Шәйхулла улы.
    Республика программасы тормышка ашу барышында 2016 елда Кече Әтрәчтә авыл мәдәният йорты һәм күп балалы Сафиуллиннар гаиләсе өчен ике катлы йорт төзелгән.
    Никифоровкада урам­нарны яктырту проблемасы хәл ителгән - егерме лампоч­ка куелган, Зур Әтрәч авыл җирлеге башкарма комитеты бинасы ремонтланган. Үзара салым ярдәмендә кайбер проблемаларны чишү насыйп булган. Җирлектә яшәүчеләрне эшкә урнаш­тыру мәсьәләсе агым­дагы ел бурычларының берсе булып тора.
    "Нур" агрофирмасы" ҖЧҖ, анда эшкә яраклы халыкның төп өлеше хезмәт куя, генераль директоры Радик Нургалиев җыелучыларны авыл хуҗалыгы предприя­тиесенең тер­лекчелектә һәм үсемлекчелектәге казанышлары белән таныш­тырды.
    Полиция участковые Илнур Тимеркәев җирлектәге оператив хәлләр турында сөйләде.
    "Татарстанда республика­да программалары актив эшли, шуңа күрә дә без тормышның яхшы якка үзгәрүенең ша­һит­ла­ры булып торабыз. Кече эшк­уарлыкка ярдәм күрсәтелә, кешеләр авыл ху­җалыгы алып бару өчен субсидия­ләр ала. Ә үзара салым тәҗрибәсен бездән башка төбәкләр дә үзләштерә", - диде Лариса Юрьевна.
    Рәмис Хатыйп улы террито­рияләрнең социаль-икътисади үсешенә һәм безнең районда республика программаларының тормышка ашу темпларына басым ясады. "Президентның хуп­лавы ярдәмендә, без күп нәрсәләр эшли алабыз", - дип ассызыклады ул.
    Әңгәмә барышында Ники­форовкода яшәүчеләр үз авылларына юл төзү кирәклеген билгеләп үтте­ләр. Шулай ук авылның исемен Никифороводан Никифо­ровкага алыштыруның сә­бәпләре турындагы сорауны күтәреп чыктылар.
    "Нур" агрофирмасы" ҖЧҖның тырыш эшчәннәренә һәм Зур Әтрәч авыл җирлегендә яшәүчеләргә намуслы хезмәтләре, җәмәгать тормышындагы активлык­лары өчен грамоталар һәм бүләкләр тапшырдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: