Тетюшские зори
  • Рус Тат
  • Тәтеш районының Бакырчы авыл җирлегендә гражданнар җыелышы булды

    Халыкның ничек яшәвен белү һәм аларны нинди проб­лемалар борчуын ишетү өчен район башлыгы Рәмис Сафиуллов озатып йөрүендә ТР юстиция министры Лариса Глухова да килгән иде.

    Ул җыелучыларны социаль-икътисади күрсәткеч­ләр буенча республика­да ел нәтиҗәләре һәм ки­лә­чәккә планнары бе­лән кыс­кача таныш­тырып үтте. Лариса Юрьевна эчке тулай продукция кү­ләменең - үсеш 2,5 процент - уңай булуына басым ясады. Ел якын киләчәктәге икътисад шартларында ал­дынгылык­ны фаразлау­чы төбәк үсеше Страте­гияләренең беренче нәтиҗәләре бе­лән билгеләп үтелде, анда Татарстан үсешенең төгәл бурычлары төзелгән. Аның нигезендә, 2030 елга Татарстан үсеш темплары белән өстен чыгучы төбәк булырга тиеш. Һәм үзенең чыгышын тәмамлаганда, ул барлык Президент программаларының 2017 елда да халык өчен эшләвен дәвам итәчәген раслады.
    Бакырчылылар аның нәти­җәлелегенә гражданнарга үзара салым үрнәгендә инандылар. Җирлек баш­лыгы Илдар Шәмсетдинов белдерүенчә, 2015 елда 115 мең сум җыелган, рес­публика субсидиясе 460 мең сум тәшкил иткән. Җирлек "тартмасына" барлыгы 575 мең сум тупланган. Әлеге акчага юлларны, зиратларны яңарту эшләре башкарылган, коены ремонтлау һәм чишмә төзелеше өчен кирәк-яраклар сатып алынган. "Проблемалар теләсә кайсы авылда күп, кайберләрен нәкъ тә менә шушындый ысул белән хәл итәргә мөмкин, ә төзекләндерүгә никадәр акча кертә алуыгыз, сезнең үзегездән тора", - дип мөрәҗәгать итте Рәмис Хатыйп улы җирлектә яшәүчеләргә.
    Җыенда җирле мәктәп уку­чыларының казаныш­лары да яңгырады. Алар үткән уку елында рес­публика һәм Россия олимпи­адалары­ның муни­ципаль этабында 20 призлы урын яула­ганнар, ә Раилә Ибраһимова Мәс­кәүдә узган дәүләт теле буенча Бөтенроссия олимпиадасының йомгаклау этабында призер булган. Һәм шунда ук бер педагог сорау бирде: республикага бару нинди акчага тормышка ашырылырга тиеш? Район мәгариф бүлеге башкарма комитеты тарафыннан әлеге мәсьәләне чишү буенча тәкъдимнәр район башлыгы каравына чыгарылачак.
    Фельдшер Гөлсинә Җаббаровадан диспансериза­ция үткән 68 кешедән авыру ачыкланучылар булмавын ишетү сөендерде. "Бу бик тә яхшы, әмма ялгыз яшәүче өлкән кешеләр турында уйларга кирәк, алар сездә - 92, - диде район башлыгы. - Олы яшьтә­ге­ләр даими тикшерү астында һәм кирәкле дарулар белән тәэмин ителергә тиеш".
    Файдалы әңгәмәдә комплекслы хәл ителергә тиешле янгын куркынычсыз­лыгы мәсьәләсе каралды. Полиция участковые Фәнил Камалетдинов гражданнарның үз милек­ләренә уяу булырга кирәклеге турында исләре­нә төшерде.
    Чагылдымлыларны юллар­ның торышы борчый: "Уңышны ташыдылар, юллар­ны боздылар, язга нәрсә булыр?" - дигән нигезле сорау бирделәр алар. "Вак таш китертергә кирәк, юл тор­гызылыр­га тиеш", - диде Рәмис Сафиуллов. Җирлектәге башка юлларга да ремонт та­ләп ителә.
    Җирлек башлыгы Илдар Шәмсетдиновның хезмәтен уңай бәяләп, Рәмис Хатыйп улы күп нәрсәләр эшләнүен билгеләп үтте. "Халыкның хакимият бе­лән үзара аңлашуы бар, уңай үзгәрешләр булыр дип өметләнәм", - диде ул залдагыларның хуплау алкышлары астында.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: