Тәтеш районының барлык уку йортларында Белем көненә багышланган тантаналы ­чаралар булып узды

(Тәтеш, 3 сентябрь, "Тәтеш таннары"). Чәршәмбе көнне Тәтеш районының барлык уку йортларында Белем көненә багышланган тантаналы ­чаралар булып узды.

Тәтеш районы башлыгы Рәмис Сафиуллов укучыларны һәм студентларны, аларның ата-аналарын һәм укытучы­ларны уку елы башлану белән котлады. Рәмис Хатыйп улы “ТР муниципаль ­берәмлек­ләр Советы” Ассоциациясе рәи­се Әгъзам Гобәйдуллин бе­лән бергә шәһәрнең 1нче мәктәбендә, кадет мәктәп-интернатында, гражданнарны яклау көллиятендәге бәйрәм ­чараларында булды.

– Республикабыз Президенты Рөстәм Нургалиевич Миңнеханов, республика Хөкүмәте, Татарстанның Дәүләт Советы һәм “ТР муниципаль берәмлекләр Советы” Ассоциациясе ярдәме белән безгә барлык махсус урта уку йортларын, мәктәпләрне һәм балалар бакчаларын яңа уку елына әзерләү насыйп булды. Безнең укытучылар – үз эшенең осталары, ә ата-аналар һәм балаларның тырышлыгы ярдәмендә уку елы алар өчен уңышлы булачак, – диде Рәмис Хатыйп улы. 
– Татарстанда мәгариф системасын үстерүгә аерым игътибар бүлеп бирелә, ел саен уку йортлары биналары төзелә һәм ремонтлана, алар яңа  җайланмалар белән җиһазландырыла, ба­лаларның үсеше өчен шартлар булдырыла. Тәтеш рай­онында белем һәм тәрбия бирү барышының сыйфатын арттыру буенча чаралар тиз һәм эзлек­ле рәвештә тормышка ашырыла. Мәктәп укучыларының республика олимпиадаларында ирешкән уңышлары шул хакта сөйли, – дип билгеләп үтте Әгъзам Самат улы һәм тәтешлеләргә Татарстан Рес­публикасы Президенты Рөстәм Миңнехановның Белем көненә багышланган кот­лавын укыды.