Гыйнварда тәтешлеләр гаиләсендә бәхетсезлек булды - йортларында янгын чыкты.
Янгын хезмәте машинасы чакыруга ук тиз килеп җиткән, ялкын телләре сүндерелгән. Әмма, газ шартлаганлыктан, ут шунда ук бөтен йорт хуҗалыгын чолгап алган. "Өйдән ничек йөгереп чыкканымны һәм урамда калуымны, хәтерләмим", - дип сөйләде хастаханәдә тетрәнү мизгелләреннән арынып килүче янган йорт хуҗасы Виктор Тиханов.
Йорттан яртылаш җимерек стеналар гына калган, барлык эчке яклар утта янып көлгә әйләнгән.
Тәтешлеләр, якташларының кайгысы турында белеп, социаль челтәрләр аша битараф булмаган кешеләргә мөрәҗәгать иттеләр. Безнең коллектив та, үз чиратында, "Тәтеш таңнары" гәҗитендә игълан бастырды.
Шушы араларда редакциягә янучы гаиләнең кызлары Наталья Тиханова килде һәм әтисенең хастаханәдән чыгарылуын, хәле ярыйсылана баруын җиткерде.
"Безнең хәсрәтне уртаклашкан һәркемгә - туганнарга, дусларга, күршеләргә һәм барлык мәрхәмәтле якташларга рәхмәт, - дип гәҗит аша ихтирам сүзләре белән мөрәҗәгать итте ул тәтешлеләргә. - Таныш һәм таныш булмаган кешеләр җимереклекләрне җыештырырга булыштылар, эшләрендә акча җыйдылар, кирәкле әйберләр китерделәр".
Наталья хәбәр иткәнчә, Тәтеш муниципаль районы администрациясе һәм ЯЧ-133 хезмәт коллективы, халыкны социаль яклау, Тәтеш юл-ремонт хезмәте идарәсе, гражданнарны яклау көллияте, Тәтештәге 2нче урта мәктәп, стендка ату мәктәбе, стендка һәм пуля белән ату Федерациясе, АЗС, олимпия резервы мәктәпләре гражданнарны яклау бүлегендәге хезмәттәшләр, "Агросервис-Идел" ҖЧҖ зур финанс ярдәме күрсәттеләр.
Без дә кунагыбыз белән бергә районыбызда кайгы уртаклаша белгән, теләсә кайсы минутта ярдәмгә килергә әзер булган халык яшәвенә сөендек, борынгылар юкка гына әйтмәгән: "Дус авыр чакта сынала".
Нет комментариев