Укучылар акциядә катнаштылар

(Тәтеш, 21 сентябрь, "Тәтеш таңнары"). Тәтеш татар урта мәктәбе укучылары “Яшәеш ­тамчысы” дип исемләнгән Бөтенроссия акциясендә катнашты. Әлеге уңайдан алар тематик дәресләрдә катнашып, террорга каршы көрәштә бердәмлек көне уңаеннан уздырылган әңгәмәдә актив катнаштылар һәм аның барышында файдалы мәгълүматларны кызыксынып тыңладылар. 

Зур Әтрәч авылы  башлангыч мәктәбендә террорчылыкка каршы көрәштә бердәмлек көне уңаеннан һәм Бесландагы фаҗигале вакыйгага багышлап акция уздырылган. “Террорлык гамәлләре нәтиҗәсендә һәлак булучыларны барыбыз бергәләп тагын бер кат искә алдык. Акциядә 1нче һәм 4нче сыйныф укучылары, укытучылар катнашты”, – диде авыл китапханәчесе Зөбәрҗәт Хәйруллина.