Тэтэш таннары
  • Рус Тат
  • Уңышка нигез салына

    "Родина" ҖЧҖда сабанчыларны авырлыклар куркытмый.

    Барлык авыл хуҗалыгы культураларын җыеп алуны тәмамлап, механизаторлар зур тырышлык белән киләсе ел уңы­шына нигез салалар.

    - Безнең җирләр балчыксыл авыр туфраклы һәм аларны көздән эшкәртми калдырсаң, язын сөреп кенә яхшы уңышка исәп тотып булмаячак. Шуңа да моңа юл куймаска омтылабыз, - ди хуҗалык җитәкчесе Алексей Афанасьев.

    Биредә кырларның күп өлешен тирән итеп эшкәртеп калдырырга тырышалар. Басуларда Анатолий Карпов, Геннадий Ганькин һәм Валентин Карповлар идарә иткән К-700, чылбырлы ике ДТ-75 тракторы эшли. Алар исәбендә 800 гектар туңга сөрелгән җир, шуларның 250 гектары - картайган күпьеллык үлән басулары. Биредә, кагыйдә буларак, ел саен күпьеллык үләннәрнең өчтән берен яңарталар. Нәтиҗә­дә азык басуларының уңдырышы кимеми, ә сөрелгән күпьеллык үлән мәйданнары бөртекле культуралар өчен яхшы элгәрләр саналалар. Быел туфракны өстән эшкәртү өчен мәйданнарның 30 процентка якыны билгеләнгән. Бу эш белән механизаторлар Сергей Ганькин һәм Александр Погодин шөгыльләнә.

    Көннәр аяз торганда механизаторлар соңга кадәр эшлиләр. Аш пешерүчеләр алар өчен, урак өстендәге кебек, тәмле итеп төшке һәм кичке ашлар әзерлиләр. - Хәзер зур хезмәт хакы эшләп алу өчен иң кулай вакыт, тик менә яңгырлар комачаулады. Шуңа да карамастан, без туң­га сөрүне октябрьдә тәмамларга уйлап торабыз, - ди егерме еллык механизаторлык стажы булган һәм 450 гектарда шушы эшне башкарган Анатолий Карпов.

    Нравится
    Поделиться:
    Реклама
    Комментарии (0)
    Осталось символов: