Вакыт бирелде

Тәтеш районы буенча Россия эчке эшләр министрлыгы бүлеге начальнигы Ренат Хәсәнов һәм район прокуроры Илдар Гайнуллин гражданнарны кабул итү үткәрделәр, шулай ук "Бакырчы" ҖЧҖ авыл хуҗалыгы предприятиесен тикшерделәр: сөт фермасының һәм машина-трактор паркының иминлеге - объектларның техник ныклыгы нисбәтендә. Койма белән әйләндереп алуга, яктыртылуга, видеокүзәтү системасына, бикләвечләр төзелешенә игътибар иттеләр. Ачыкланган җитешсезлекләрне бетерү өчен вакыт бирелде.