Тэтеш таңнары
  • Рус Тат
  • Ватанның бөеклеге белән горурланабыз

    12 июньдә Россия көне билгеләп үтелә.

    (Тәтеш, 8 июнь, “Тәтеш таңнары”). Без тәтешлеләрдән Россия көне алар өчен нәрсәне аңлатуын кызыксындык. 

    Шамил Матиев, Олы Тархан:
    “Минем өчен ул зур бәйрәм. Озак еллар мәктәптә хәрби белем укытучысы булып эшләдем һәм балаларда бөек иле­­безгә карата ва­­танпәрвәрлек, горурлану хислә­ре тәрбияләргә ты­рыш­тым. Аларның күбесе Ватаныбызның лаеклы гражданнары булыр һәм аның алга таба үсүендә үз өлеш­ләрен кертер дип ышанам”. 

    Александр Подгорнов, студент:
    “Россия көне – ул ватанпәрвәрлек бәйрәме, милли­­ берләшү һәм гражданнарның ты­нычлык символы булып торган бөтен ил кешесенә кадерле көн”.

    Ольга Комиссарова, Кошки-Новотимбаево: “Минем өчен аның исеме барлык халык­ларга тынычлыкта һәм бер гаиләдәй булып, татулыкта яшәргә кирәк дигән мәгънәдә яңгырый. Гаиләдә һәрбер кеше кадерле һәм кирәкле, шулай ук гаять иксез-чиксез Россиянең һәрбер җирендә төрле милләт кешеләре дә бербөтен булып яши – яраткан Ватаныбызны, иминлек һәм тынычлыкны саклау зарур”.

    Надежда һәм Анатолий Неткасов­лар, Бессоново: “Без Россиядә, күп милләтле, көчле һәм  куәтле илдә  яшәвебез белән горурланабыз. Үзебенең эшчәнлек өлкәсе буенча (Анатолий Иванович – геофизик, Надежда Ивановна – тарихчы) без кай­чандыр бөтен илне әйләнеп чыгарга өлгердек. Кешеләр һәркайда да игелек­ле, ярдәмчелләр. Безнең гаилә зур – дүрт бала, килен һәм кияү. Тату яшибез! Авылыбызда яраткан Ватаныбызның бөтен матурлыгы чагыла! Үзебезгә кунакка чакырабыз!”


    Материалларны гәҗит хәбәрчеләре әзерләде

    Нравится
    Поделиться:
    Реклама
    Комментарии (0)
    Осталось символов: