Ягу сезоны җиткәндә

"Тетюши Жилсервис" ҖЧҖ идарә компаниясе карамагындагы 86 күп фатирлы йортның 81е ягу сезонына әзер, дип билгеләп үтте ул. Ишекләр урнаштырыла, тәрәзәләр җылытыла. "Биш йортка капиталь ремонт ясалды, эшләр тулы күләмдә башкарылды. Егерме дүрт йорттагы фатирлар аерым җылытуга күчерелде: шуларның уналтысында эшләр тәмам. 15 сентябрьгә барлык йортлар да җылыту сезонына әзер булырга тиеш", - дип белдерде Рамил Рәшит улы.

Торак-коммуналь хезмәтләр өчен бурычлар мәсьәләсе дә көн тәртибеннән төшмәгән. Әҗәтлеләргә 17 материал судка тапшырылган, өч очракта бурыч инде тулысынча түләтелгән. Әлеге эш дәвам иттерелә.

Теманы дәвам итеп җылылык челтәрләре предприятиесе директоры Наил Урманов чыгыш ясады һәм җылылык трассаларында, котельняларда агымдагы һәм капиталь ремонт планлы рәвештә алып барыла дип билгеләп үтте. Биш сәнәгать һәм мәктәпләргә, социаль-мәдәни-көнкүреш объ­ект­ларына җылылык бирүче 32 котельня әзер.

Фатирларны аерым җылытуга күчерүгә бәйле рәвештә, аларның хуҗаларының гомуми куркынычсызлык өчен җаваплылыклары арта.

"Әкият" балалар бакчасын, шәһәрдәге 2нче һәм кадет мәктәпләрен блоклы котельняларга күчерү планына бәйле рәвештә, шушы көннәрдә алар монтажланачак һәм урнаштырылачак (тоткарлык җайланманы кайтару белән килеп чыккан).

Котельнялар турындагы яңа программаны тормышка ашыра барып, мәктәпләр котельняларында 21 казан алыштырылган. Районның газ өчен әҗәте 2,5 миллион сумга кимегән, 2 миллион 361 мең сумы - халык бурычы. 800 фатирның (алдагы елларда бу сан артачак) аерым җылытуга күчерелүен исәпкә алсак, җайланмаларга хезмәт күрсәтү мәсьәләсе килеп туа. Моны Буа аша хәл итәргә туры килер микән?
Наил Урманов әйткәнчә, "Татрегионсервис" ҖЧҖ (Казан) штатына махсус кеше билгеләнгән, ул әлеге эш белән турыдан-туры Тәтештә шөгыльләнәчәк. Гаризалар бердәм диспетчерлык хезмәте аша (телефон 89179000900) кабул ителәчәк һәм мастерга тапшырылачак. Ул, үзенең булачак объектларын тулысынча күз алдына китерү өчен, инде йортларны кабул итү комиссиясе составында эшли дә башлады.
Кирәк булган очракта кая мөрәҗәгать итәргә кирәклеге казаннарда һәм килешүләрдә күрсәтелгән. Бу хакта абонентларга инструктаж вакытында әйтеләчәк, мәгълүмат йортлар буенча өлкәннәрдә дә булачак.