Тетюшские зори
  • Рус Тат
  • Юбилейга һәркемнең катнашы бар

    Республиканың 48 район бүлеге көн саен кешелек тормышы елъязмасын алып бара, кем әйтмешли, туудан алып үлемгә кадәр.

    Кеше якты дөнь­яга аваз салу белән биредә туу турында беренче документны бирәләр, аннары никахны, фамилия алыштыруны, инде аның балалары тууын теркиләр һәм соңгы документ - үлем турындагы таныклыкны да шушында тапшыралар.
    Тәтеш районы башкарма комитеты ЗАГС бүлеге начальнигы Лариса Дианова 16 елдан бирле якташлары белән бергә аларның шатлыклы вакыйгаларына сөенә һәм кайгыларын уртаклаша.
    Укучыларыбызга аның бе­лән корылган әңгәмәнең язмасын тәкъдим итәбез.
    - Лариса Михайловна, еракта калган үткәннәргә күз салырга һәм Тәтеш ЗАГСы чыганакларына мө­рәҗәгать итәргә мөмкинме?
    - Сакланган документлар­ның иң беренчеләре 1923 ел белән да­таланган. Безнең ветераннар рәсми­ләш­терелгән документларны һәм матур гадәтләрне тиеш­ле дәрәҗәдә калдырганнар. ЗАГСта 27 ел хезмәт куйган Нәгыймә Муллаханованы (хәзер мәрхүм) без хөрмәт белән искә алабыз, ЗАГСка 16 ел җитәкчелек иткән Людмила Хрисанова белән дә элемтәдә торабыз.
    - Мәсәлән, 1935 елда күпме бала туган? Никадәрле ке­ше бакыйлыкка күчкән?
    - Туу саннары сөендерә - 2800 сабый, әмма бу елны 1226 кеше үлгән. Чагыштыру өчен: 1962 елда туган - 1208, үлгән - 456. Бүгенге көннең дөнь­якүләм статис­тикасы җир йөзендә 100 кызга уртача 105 малай тууы турында сөйли, һәм тикшерүчеләр әлегә кадәр "нигә алай?" дигән сорауга җавап эзли.
    Районыбызда өч ел рәттән кызларга караганда малайлар уртача 3,5 процентка күбрәк туды. 2017 елда хәл тигезләште һәм 50гә 50 булды.
    - Исемнәргә дә мода үзгәрә. Хәзер кызларны - Мәймүнә һәм Зөлфия, ә малайларны Касыйм һәм Мәрдән дип сирәк атыйлар. Сез яшь ата-аналарның теләген беләсездер, мөгаен.
    - Ата-аналар са­быйларына исемнәрнең иң үзенчәлек­леләрен би­рәләр - гадидән алып га­дәти булмаганга кадәр. Бу Амаль, Вакыйф, Динара, Милана, Сәйдәш, Илдар, Гаяз, Исмаил, Аделина, Алинә, Марат, Ильвина, Кәримә, Алисә, Раяна, Самира һәм башкалар.
    - Никахта 50, 55-60 һәм аннан да күбрәк еллар яшәгән гаилә парларына без хөрмәт белән карыйбыз. Бу нисбәттән сезнең нинди дә булса статистика бармы?
    - Ни аяныч, юк, аны булган документлар буенча күзәтеп бару мөмкин түгел. Аларны җирлекләр ярдәмендә җыябыз, район башлыгы исеменнән тәб­рикләмәләр тапшырабыз.
    - Бала туу, туй - бу кеше тормышындагы матур ва­кыйгалар. Әлеге тантаналарны үткәрү өчен сездә нинди йолалар бар?
    - Язылышу көнендә барлык яшь өйләнешүчеләр символик "бәхет муенсасы" җыялар. Үз төймәләрен җепкә тезәләр һәм әти-­әниләренә, туг­аннарына, иң мөһиме, бер-берләре­нә никахта бәхетле бу­лыр­га вәгъдә бирәләр.
    Шулай ук язылышкан көнне чираттагы яңа туган сабый өчен уенчык бүләк итәләр, без аны аннары баланың тууын теркәгән вакытта ата-аналарга тапшырабыз.
    - Иң истә калган туй яки ярәшелүче исеме?
    - Гадәттә, хәтердә үтеп баручы һәм яңа аяк баскан еллардагы беренче һәм соңгы парлар кала, мордва халкының гореф-гадәтлә­ре белән язылышу, чакырылган алтын юбилярлар катнашында язылышу. Бервакыт бездә "готлар" юнәлешен хуплаучы парлар язылышты. Алар белән кунаклар да күп килгән, барысы да кара киемнән һәм кәләш тә кара фатадан иде.
    Туй кортежы йөк машина­сы-фуралардан торган пар­лар да никахлашты. Яшь өйләнешүчеләр дә фурада килделәр.
    - Ә бүгенге статистика нәрсәләрне бәян итә?
    - Ел башыннан 116 бә­ләкәч туды, 75 пар никах­ларын теркәде, 347 кеше якты дөньядан китте һәм 55 пар аерылышуны рәсмиләштерде.
    ЗАГС органнарының эш­чәнлеге ул - күп кырлы, кие­ренке һәм җаваплы эш. Кешеләр безгә үз тормышларындагы мөһим вакыйганы теркәп куярга киләләр. Гражданнар акты торышын язу китап­лары һәрбер кешенең барлык тормыш этабын сак­лый. Аерым гражданин, аның гаиләсе тарихыннан дәүләт тарихы барлыкка килә.
    - Әңгәмәгез өчен рәхмәт.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: