Тетюшские зори
  • Рус Тат
  • Үзара салым программасы ничек тормышка аша: Киртәле авыл җирлеге

    Киртәле авыл җирлегендә яшәүчеләргә, аның составына Киртәле, Васильевка, Кадыш, Красный Восток торак пу­н­кт­лары керә, үзара салым программасы кече ватаннарын төзекләндерү буенча мәсьәләләрне чишүдә ярдәм итә.

    (Тәтеш, 24 сентябрь, «Тәтеш таңнары», Галина Таҗетдинова). Программа эшли башлаган вакыттан авыл кешеләре гомуми тавыш биреп, акчаның төп өлешен барлык дүрт авылдагы кайбер юлларны норматив хәлгә китерүгә юнәлтергә карар кылганнар. 

    Кадышлылар өчен алга таба Бөек Ватан сугышында катнашкан якташларына истәлек Обелискы төзелеше эшен башлау мөһим булган. Җирлек башлыгы Анна Абмаева уртаклашканча, киләсе елга ул Җиңү көнендә тантаналы рәвештә ачылачак. Биредә үк Урман һәм Юбилей урамнарында яктырткычлар кирәклеген билгеләгәннәр. Кадыш һәм Васильевкада яшәүчеләр чишмәләрне яңартып төзүгә кайгыртучанлык күрсәтәләр, әлеге максатлар өчен материал сатып алынган. Үткән елда киртәлеләр зиратны коймалап алганнар, бу максатларга 400 мең сумга якын акча сарыф ителгән.

    Кешеләр Ленин һәм Гагарин урамнарындагы яңа яктырткычларга сөе­нәләр, шулай ук искеләрен алыштырырга лампочкалар сатып алынган. Ике ел эчендә 44 яктырткыч алыштырылган. Каты көнкүреш калдыклары полигоны норматив хәлгә китерелгән. Авылга керү юлына ремонт таләп ителгән, моның өчен вак таш сатып алынган, чокырларны томалаганнар. Васильевкада янгын куркынычсызлыгы максатларында янгын очрагы өчен сулык төзекләндерелгән. Уртак акчадан сакчыл файдалану өчен, яңа технологияләрне күз уңында тоту зарур – Кадыш, Киртәле һәм Васильевкада яктырткычлар энергияне аз сарыф итә торганына алыштырылган.
    Красный Востоктагы җир күпер ел саен ныгытып торуны таләп итә, аны язгы сулар һәр язда диярлек җимерә. Җирлек территорияләрендәге үләннәрне чабу, авыл юлларын тигезләү, кардан чистартуга шактый акча китә.
    “Үзара салым программасының файдасын аңлаган һәркемгә рәхмәт, – ди җирлек башлыгы. – Җыелган акчаның республика ярдәмендә финанслануын бәяләү зарур, чөнки алар барлык авыл кешеләре файдалана торган юлларда, яктырткычларда һәм башка җитешлекләрдә чынга аша”.
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: