“Форпост” яшьләр (студентлар) һәм мәктәп отрядларының район Спартакиадасы булып узды

(Тәтеш, 23 апрель, “Тәтеш таңнары”). “Барс” спорт-сәламәтләндерү комплексында ГТО БФСКның 90 еллыгы уңаеннан “Форпост” яшьләр (студентлар) һәм мәктәп отрядларының район 

Спартакиадасы булып узды. Спорт чарасында Тәтеш районындагы уку йортларыннан 9 команда ­катнашты.

Яшьләр атуда, йөгерүдә, күтәрелүдә һәм башка күнегүләрдә ярышты. 

– Спартакиаданың максаты – җәмәгать тәртибен сак­лау буенча мәктәп, студентлар һәм яшьләр оешмаларында катнашучыларны физкультура һәм спорт белән даи­ми шөгыльләнүгә җәлеп итү, яшьләргә сәламәт яшәү рәвешенә юнәлеш бирү, – диде районның “Форпост” директоры вазифасын башкаручы Алексей Абмаев.
Спартакиада нәтиҗәләре буенча, Килдеш мәктәбеннән килүчеләр кече яшьтәге төркемдә җиңү яуладылар, Тәтештәге 2нче урта мәктәп командасы икенче булды, Олы Шәмәк мәктәбе командасы – өченче. 

Олы яшьтәге төркемдә шәһәрдәге 1нче мәктәп яшьләренә тиңнәр булмады, икенче урынны гражданнарны яклау көллияте курсантлары алды, авыл хуҗалыгы техникумы командасы өченче булды.