Марафон кысаларында лаеклы чыгыш ясады

(Тәтеш, 17 август, "Тәтеш таңнары"). Тәтешнең спорт мәктәбендә тәрбияләнүчеләр Ульяновскида узган юбилейлы ярым марафон кысаларында лаеклы чыгыш ясады.

Майя Таранова белән Евгений Понедельников бер чак­рымга йөгерүдә җиңүчеләр булды, Алинә Гарифуллина һәм Никита Чайкин – икенче, Петр Ильмусев – өченче. Анас­тасия Ильмусева биш чакрымга йөгерүдә бронза бүләк яулады. Евгения Морозовага шушы ук ераклыкта пьедесталга күтәрелергә бер адым гына җитми калды. Яшьләрнең тренерлары – Рәшит Габдрахманов белән ­Анастасия Рипанова.