Мәргәнчеләребез – җиңүчеләр исәбендә

(Тәтеш, 20 июнь, “Тәтеш таңнары", Татьяна Кузнецова). “Төлке өне”ндә узган Россиянең команда Чемпионаты нәтиҗәләре буенча, стендка атуда Татарстан җыелмасы берничә мөһим җиңүгә иреште.

Ярышлар хатын-кызлар “скит”ында көмеш алып килде. Альбина Шакирова, Ландыш Кварталова (тренерлары Андрей Кушагин) һәм Зилә Батыршина Мәскәү җыелмасыннан килгән җиңүчеләрдән калышып, тулаем алганда 537 очко җыйды. Татарстанның ир-егет­ләр җыелмасы мактау пьедесталыннан бер адымда, дүртенче урында финишка килде.

Бөтенроссия ярышларының шәхси зачетында Николай Теплый көмеш медаль яулады. Турнирның хатын-кызлар финалында катнашучы Алинә Фазылҗанова белән Ландыш Кварталова квалификацияләрнең ике көнлек нәтиҗәләре буенча 183 мишеньгә тидереп, 4 һәм 6нчы урыннарда финишка килде. 

Ландыш Кварталова һәм Айрат Шакиров катнаш командаларда “скит” күнегүендә икенче урынны алды.