Тәтеш районында футбол буенча турнир булып үтте

Анда Алабирде, Байраш, Кече Әтрәч һәм ир туганнар Салаватуллиннар командасы катнашты.

"Беренчелек өчен көрәш бик киеренке булды. Матчның язмышын бары тик пенальти генә хәл итә алды. Нәтиҗәдә җиңүче данын алабирделеләр яулады. Мактау пьедес­талының икенче баскычына "Ир туганнар Салаватуллиннар" командасы күтәрелде. "Бронза" турнир хуҗалары - "Кече Әтрәч" командасына насыйп булды. Мондый ярыш­лар сәламәт яшәү рәвешен киң җәелдерү өчен бик мөһим.

Футбол турнирын ел саен үткәрү тәкъдиме, көчле алкышлар белән хупланды", - дип хәбәр итте оештыручы һәм чараның иганәчесе, агрофирманың генераль директоры Радик Нургалиев. Футболчыларга Грамоталар һәм кыйммәтле призлар тапшырылды.