Тәтешләр спорт туризмы буенча “СТАРТ UР” респуб­лика ярышларының икенче этабында катнашты

(Тәтеш, 19 май, “Тәтеш таңнары").  Педагоглар Анна Осипова белән Дмитрий Никоноров җитәкчелегендәге өстәмә белем бирү үзәгенең турист­лык берләшмәсе командасындагы балалар Татарстан Республикасы Биектау районының “Учак” респуб­лика белем бирү-сәламәтләндерү үзәгендә узган спорт туризмы буенча “СТАРТ UР” респуб­лика ярышларының икенче этабында катнашты.

Ярыш нәтиҗәләре буенча, “Ераклык – төркемнәр” (14, 16 – 18 яшьтән кечерәкләр) төрендә балалар 3нче урынны алды, “Җәяүле – шәхси” төрдә команда зачетында да аларның шундый ук нәтиҗә. Безнең яшь туристлар авыл зачетында 1нче урынны ­яулады.