Тетюшские зори
  • Рус Тат
  • Казанда ашыгыч ярдәм машинасы «КАМАЗ»га бәрелгән, ике кекше зыян күргән

    Татарстан Сәламәтлек саклау министрлыгының матбугат хезмәтеннән агентлыкка хәбәр итүләренчә, фельдшерларны Казанның 7нче хастаханәсенә китергәннәр.

    (Тәтеш, 12 май, “Тәтеш таңнары”). Бүген иртәнге унынчы яртыда Казанның Белинский һәм ТЭЦ урамнары чатында «КАМАЗ» һәм ашыгыч ярдәм машинасы катнашында юл-транспорт һәлакәте булган. Аны Казан Дәүләт автоинспекциясеннән хәбәр иттеләр.

    Якынча мәгълүматлар буенча, ашыгыч ярдәм каретасы махсус сигналларын кабызып икенчел дәрәҗәдәге юлдан хәрәкәт иткән чакта, йөк автомобиле аңа юл бирмәгән.

    Нәтиҗәдә, ашыгыч ярдәм машинасындагы ике фельдшер зыян күргән. Авариянең сәбәпләре ачыклана.

    Татарстан Сәламәтлек саклау министрлыгының матбугат хезмәтеннән агентлыкка хәбәр итүләренчә, фельдшерларны Казанның 7нче хастаханәсенә китергәннәр.

    «Икесенең дә хәле уртача, аларның тормышына бернинди куркыныч та янамый», - дип искәрттеләр ведомствода.

    Бу хакта тулырак: https://tatar-inform.tatar/news/kazanda-kamaz-ham-asygyc-yardam-masinasy-katnasyndagy-avariyada-ike-feldser-zyyan-kurgan-5854440

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: