Көн тәртибендә – кыр эшләренә әзерләнү

(Тәтеш, 13 март, “Тәтеш таңнары"). Бүгенге көндә район аграрийлары 2020 ел уңышына минераль ашламалар туп­лау буенча яхшы эш башкарган. Шулай итеп, “Колос” агрофирмасында – чәчү мәйданының бер гектарына тәэсир итүчән матдә исәбендә 137 килограмм минераль ашлама тупланган, “Агроил” хуҗалыгында –  135, “Бакыр­чы”да – 90, “Авангард”та – 70. Әмма районның кайбер авыл хуҗалыкларында әлеге күр­сәткеч түбән. “Язгы кыр эшләре башланганда һәрбер хуҗалык тәэсир итүчән матдә исәбендә гектарга кимендә 100 килограмм ашлама әзерләргә тиеш, ул булачак уңышка турыдан-туры йогынты ясый”, – диде Рәмис Хатыйп улы, аграрийларга мөрәҗәгать итеп. 
Тәтеш районы 2020 ел уңышына ашламалар хәстәрләү буенча ТРда алдынгылар өчлегендә.

7 мартка уртача әзерләнгән:
Җитәкчеләрнең отчетларыннан аңлашылганча, райондагы авыл хуҗалыгы предприятиеләрендә техникаларның кырга чыгуга әзерлеге 70 процент тәшкил итә, “Колос” агрофирмасында яңа сезонга 6 яңа трактор сатып алынган, әзерлек – 90 процент.

“Тиздән кырга чыгачаксыз. Сезнең эшчәнлек нәтиҗәсе ашламалар һәм чәчүлекләр әзерләү буенча эшләрнең сыйфатына, кырларның уйлап куелган картасын һәм технологияләрен файдалануга, хезмәткә лаек­лы түләүгә бәйле, ул шулай ук авыл үсешенә һәм авыл кешеләренең тормыш дәрәҗәсенә тәэсир итә”, – диде район башлыгы, җыелышка йомгак ясап.