23 август – Курск сугышында (1943 ел) совет гаскәрләренең фашистларны тар-мар иткән көне

(Тәтеш, 23 август, «Тәтеш таңнары»). Район башлыгы Рәмис Сафиуллов районда яшәүчеләрне, ветераннарны тәб­рик итә: “Курск бәрелеше үзенең масштаблары, хәрәкәт иткән көче, хәрби-сәяси нәтиҗәләре буенча Бөек Ватан сугышында иң төп яуларның берсе булып тора. Әлеге сугышта совет солдатларының батырларча җиңүе һәм һәлак булучыларны хәтерләү истәлеге уңаеннан Россиядә Сугышчан дан көне булдырылган. Безнең изге бурыч – үсеп килүче буынга сугыш һәм аның батыр­лары хакындагы барлык дөрес­лекне тапшыру.
Хөрмәтле ветераннар! Сезгә иминлек, озын гомер, тыныч күк йөзе телим”.