Аш пешерүчеләр таләп ителә

Чарада 9 предприятие һәм оешма катнашты. Эш бирүчеләр тарафыннан 30 вакансия тәкъдим ителде. Психолог, хисапчы, шофер, пыяла кисү операторы, аш пешерүче, балта остасы, тегүче, тракторчы, бухгалтер һәм башка белгечләр таләп ителә.  

Ярминкә уздырган вакытта мәшгульлек хезмәтенең вакансияләр банкында 59 урын хисап­ланды. Өч йөздән күбрәк вакансия – РФның башка төбәкләрендә. 

“Ярминкәгә килгән барлык гражданнар интернет-ресурслар аша, шул исәптән “Россиядә эш” гомумросс­ия вакансияләр базасын файдаланып, эш эзләү мөмкинлеге барлыгы турындагы мәгълүматларны белә алды, – дип хәбәр итте Тәтеш районы халыкка мәшгульлек үзәге җитәкчесе Сергей Цветков. – Эш эзләүчеләргә әлеге порталдан файдалану инструкцияләре тапшырылды”. 

Вакансияләр ярминкәсенә барлыгы 68 кеше килде, алгы көннәрдә эшкә урнашу өчен 8 юллама бирелде.