Атна башында республикада яңгыр, яшен һәм +30 градус җылылык көтелә

Бүген, 10 июньдә, Татарстанда кабат алмашынучан болытлы һава торышы фаразлана. Республикада урыны белән кыска вакытлы яңгыр һәм яшен була. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Төнлә һәм иртән Татарстанның кайбер районнарында томан төшүе көтелә. Җил көньяк-көнбатыштан исә, секундына 5-10 метр тизлектә фаразлана, яшен вакытында 15-17 метрга кадәр көчәергә мөмкин.

Төнлә һава температурасы +10..+15 градус була, ә көндез +25..+30 градуска кадәр күтәреләчәк.

Тулырак: https://tatar-inform.tatar/news/atna-basynda-tatarstanda-yangyr-ham-yasen-kotela-5888905