Авыл кешеләре бриллиант туйларын билгеләп үткән

(Тәтеш, 29 октябрь, “Тәтеш таңнары”, Галина Таҗетдинова). Аларның икесенең дә язмышы күп яктан охшаш: икесе дә бер авылдан, икесенең дә әтиләре Бөек Ватан сугышы елларында Ватанны саклаганда һәлак булган, алар әтисез үскәннәр. “Тормыш җиңел булмады, – дип искә ала Людмила Григорьевна. – Без гаиләдә 6 идек, бүкәннәр җыйдык,  пешердек, яртылаш ач идек. Иремнең гаиләсендә 4 бала иде”. 

Яшьләр авыл клубында очрашкан, хәрби хезмәттән соң демобилизацияләнгән Александр кичке биюгә килгән булган. ­Барысы да җайлы гына барган, өйләнешкәннәр. Чики­ров­лар гомер буе Калинин исемендәге колхозда эшләгәннәр, хатыны – дуңгызлар караган, ире – механизатор булган, һәркайсының эш стажы 40шар елны тәшкил итә. “Фермада дуңгызлар карадым, – дип искә ала авыл хатын-кызы. – Барлык көннәр хезмәттә дә кайгыртуда узды, эштә булсынмы, өйдә дисеңме”. Чикировлар гаиләсендә уллары туган, ни аяныч, 4 ел элек ул вафат булган, шулай да үзеннән соң аның нәсел дәвамчылары – оныклары һәм оныкчыклары калган, алар бабасы белән әбисе янына килеп йөриләр, еш шалтыратып торалар икән.

Өлкәннәр эшсез торырга яратмыйлар һәм хәлләреннән килгәнчә яшелчә бакчасында эш­лиләр, Александр Васильевич куяннар үрчетә, тавык­лар асрый. Ир белән хатын кичләрен телевизор карарга яраталар, ә чәршәмбе һәм җомга көннәрендә район гәҗитен көтеп алалар, аны алар бергә яши башлаганнан ук яздыралар. Бриллиант ­туйлары көнендә юбилярларны авылдашлары килеп котлаганнар. Район башлы­гы Рәмис Сафиуллов исе­меннән аларга авыл җир­леге башлыгы Андрей Васин тәбрикләү открыткасы һәм авыл җирлегеннән истәлекле бүләк тапшырган. “Без бик шатландык, – дип уртаклаштылар Чикировлар. – Чын күңелдән аралашып утырдык, чәй эчтек, үткән елларны искә төшердек, матур теләкләрне күп ишеттек. Ә безнең теләк бер – күкләребез тыныч һәм сәламәтлек булсын”.

фото: tetushi.tatarstan.ru