Авыл тарихын белгәннәр

(Тәтеш, 20  март, “Тәтеш таңнары”). Сөендек авылы кешеләре “Барыбыз өчен дә мирас” акциясе кысаларында мәдәният йортында эшләп килүче туган якны өйрәнү музеенда булганнар. 

– Чарага килүчеләр авылның барлыкка килү тарихын кызыксынып тыңладылар. Яшь буын борынгы көнкүреш әйберләре белән кызыксынып танышты. Алар авыл тарихы хакында бик күп кызыклы мәгълүматларны белделәр һәм үткән еллар хатирәләре белән бик теләп уртаклаштылар, – диде музейга килүне оештырган мәдәният хезмәткәре ­Люция Хәлиуллова.